那些年 2

講下套電影，對上一次入戲院，已經係兩年前，好在戲院唔係等小弟開飯，如果唔應該一早執哂架咯。本身甚少入戲院，所以對台灣片唔熟，所以講唔到呢套片同其他台灣片有咩分別。只可以講既係，呢套片勾起相對多人既回憶，尤其是係讀完書無耐既朋友，即係小弟無份囉，離學校都有近十年光景。。。咁樣都比到人串，死未！

套片，戲軌得一條，分支則較多。集中討論一個沈佳宜，響佢周遭有不知幾多個呀茂呀壽想追佢，但係佳宜偏偏睇上左柯景騰。由起初要佢溫書，到後來分開讀書，一直都有相互記掛著。咁幾時係轉折點呢??? 當柯景騰無啦啦走去搞場打鬥賽既時候，宜走到去睇......跟住兩條友為呢件事吵左一輪，跟住兩個就咁分開左。就好似...你估我無鐘意過你咩? 一樣，怪不得喊到好似傷風咁。問世間情是何物，只要有共鳴既話，喊到夠香港人飲兩個月都夠既淚水，原來係唔難儲到既。

不過睇到最後既半邊月時，反而令小弟諗起一首詞......天若有情天亦老，月如無憾月常圓。好在朋友無上黎睇既嗟，唔係又會比佢打架喇，以佢咁暴力。。。

最後，佳宜係同另一個男人結婚，而班中學同學就齊齊去到賀，新郎哥話要咀佳宜，先要咀佢自己......最先去咀既，係景騰......當然，的而且確係佢既那些年。。。所以特別有感覺。

那些年，存在於每一個人既心中，無論你幾多歲都好，你都會有你既那些年，唔使怕，去搵下自己既那些年啦！！！！

那些年

同朋友去左睇那些年，朋友喊左出黎，期後聽番，原來係有段古......小弟響呢度就唔講人地既事喇，費事睇到就唔好啦。

其實，每個人心目中都會有佢自己既 那些年 既事，只係您地對呢個那些年既感覺月幾強而已。朋友既那些年，小弟就未經歷過，或者同小弟當年比較怕醜、唔敢講野有關係。但係，看官可能會問，咁你幾時有所轉變既呢???

其實，小弟都有過那些年既。記得中一曾經試過 puppy love 架，只係當年只係對人地有興趣，可以講連拍拖係點都唔知，當年小弟都係一個傻瓜咁樣。傻呼呼咁樣。去到暑假之後，大家去左唔同既班讀咁就各散東西，就無左咯。

中學期間，都試過幾次暗戀人地，不過唔係自己唔敢講，就係對家無意既情況下結束......

特別提款權

特別提款權（Special Drawing Rights）是由國際貨幣基金組織（IMF）及其成員國在1969年創立的特殊形式「貨幣」。各成員國向IMF承擔的財政配額，當中有25%以SDR支付，其餘以該國貨幣支付。成員國向IMF承擔的財政配額愈大，在IMF擁有的投票權亦愈大。

SDR的價值，是根據一籃子主要交易貨幣（美元、英鎊、歐元和日圓）來計算，其中美元佔41.9%、歐元佔37.4%、英鎊佔11.3%、日圓佔9.4%，並隨這些貨幣匯率的波動而變化，現時每1SDR可兌換12.25港元。SDR可以作為IMF、國家之間及國際組織的記帳單位。它不是一種可流通的貨幣，也不能向IMF直接要求兌換，但特別提款權的持有者，可用它跟其他IMF會員國交換上述的主要交易貨幣。利用SDR記帳，好處是避免因個別國家幣值波動，而蒙受過度的匯率風險。

現今教育制度一些思考

話說小弟最近重操故業，返去學校睇塞豆窿。比起早幾年，質素的而且確係差左好多。例如三年班對乘數表係完全唔掌握、解題都似乎有問題......加定減？中文點樣重組句子呀？查字典點查呀？好多好多問題。

到底係學生既問題呀，定係教育制度既問題呀，抑或係我地班導師有問題呢？或者試下由唔同角度去睇。

由家長角度睇，現今好多家長都只係制作一舊塞豆窿出黎，好多心機、心血都百分百放左落去，變成直昇機家長，乜都要幫佢地做決定，條菜剪碎佢，因為佢牙仔唔夠力咬<<<<對住個二年級都係咁做。其實乜都要幫個塞豆窿做決定，變相剝奪佢地自行思考既權利，呢樣野對佢地未來既發展有著深遠而負面既影響，因為佢地唔會再識思考。第時乜都係等人諗，點樣做未來領袖呀......

從制度黎睇，近呢十幾年變得太多，變，一有好有唔好。好既就係唔再單用填鴨式教學，開始培養學生自行思考。唔好既係學生往往要做白老鼠，但係有幾多個制度係可以一出黎就可以完美既呢？只不過係，或者會有學生問點解要我做白老鼠，點解唔係佢地？邊個都有機會做，自問曾經讀過通識教育，其實唔係件壞事，因為係訓練平日要對週遭事物要有更深理解，有何不妥呢？

從學生角度睇，佢地無左以前好學向上既心，自己唔需要再動腦筋就會有人幫佢地諗好答案出黎，自自然然就唔會再奮鬥，為自己未來打拼。繼續就乜都攤大手板，等人救。早排有班二百蚊兵團走左落大笨象樓下架步訓覺，話要反對資本主義，走回共產主義道路，到尾其實係想唔使做都有得食。但係，現實話比大家聽，共產主義有好多流弊，如果唔係我地祖國都唔使搞什麼改革開放啦。如果共產主義真係咁掂，蘇維埃就唔會分裂啦。

呢度唔係批評共產主義唔好，只係指出，財富不勻唔係好簡單咁改左唔行資本就等於人人均富，因為可以有人人均貧架！如果佢地係夠膽既，飛去美國 Lin 死奧巴馬同埋伯南克呀笨！行資本主義係咪就係造成社會不公既原因呢？相信唔係得一個答案既。至於有幾多答案，就留待看官自己發揮一下喇。

近況更新

對上一次講近況都好一陣子咯。

確實呢排都有唔少經歷，有可以笑足成日既，有唔開心一日都有。不如就講下開心架啦，組織一下先......

開心，唔係終於有拖拍，亦都唔係中六合彩，而係我仲響度，未死得。

點解咁講呢？我知道好多人會唔開心，但係，有乜野係比平安來得更珍貴呢？話說，我一個老死，據說家中有成員生病，好在係初期仲有得醫。希望佢屋企人同佢自己都可以安然渡過呢個關口。

另一方面，最近小弟做左一次搞手，幫個普通朋友搞左個生日會，內容好簡單，就係去K 房唱K。當中唱左唔少歌，尤其以何CC 就最多，驟眼睇以為去左何CC 頁面，其實係睇緊已選歌曲清單......真係咪話唔吹脹！不過最令我意外既係，我揀左幾首冷門既舊歌，隻野居然可以一齊唱到，咁先奇嘛，仲諗住係我呢個老餅至聽，你都識唱，仲要係半路插入都得喎......不過首歌係好聽既：林憶蓮既愛的世界，唔知有幾多看官識唱呢？仲有一首，隻野誇張到話佢識唱o個陣我仲著緊開朗褲云云(據聞我老過你架啵)：王秀琳既有種愛，呢首又係我的一首至愛，不過相對冷門，無謂對牛彈琴，所以好少會唱。

不過最好玩既就係，CHUNG CORDERO一跳舞，就會有人從後面施襲，一腳踢去個八月十五度，就連扮乜都扮知咁，懶係對我瞭若指掌咁，衰鬼xd......無乜肉仲咁踢，真係無陰功！不過算，係隻壽星公就由佢啦。過左一個月都係咁就無面比架喇！響呢度，要特別多謝壽星公既朋友，多得佢，今次先免到人頭費乙名，大家唔使夾多一份，無言感激。

唱K 入面，唱左好多經典歌曲，例如有教我如何不愛他、千個太陽、Seasons of love<<<佢都唱到，真係深藏不露，十八級鋼琴真係零舍不同。唱到夢裡共醉，因為朋友唔知係我點而跳左，有人補充話......「佢比我cut慣架喇」。。。又關你事囉，懶係講到關係菲比尋常咁樣。

最後唱到兩點左右離開，因為朋友們眼訓咯。

多謝車資津貼，比少十幾蚊，哈哈。上左N619，唉，都話去九龍灣坐N121架啦，結果就坐到灣仔至願落車！過去駱克道街市站等車，見到有個醉酒鬼......好在係去坐的士，但係腳步浮浮，睇佢坐唔得幾耐就會嘔到一車都係，第一個的士叔叔醒呀，條友唔太靠埋架車就急急腳走人。到第二架就......上左車，無得趕落車，唯有頂硬上。

最後返到屋企係......三點九，沖埋涼四點半訓，第朝咪又係八點起左身...... ...... ......

隨喜功德

早前講過，人總會有個妒忌心。衍陽法師自己都話，其實自己都會有妒忌心，有時見到人地個講堂咁大，但自己既細咁多……言猶在耳，法師即刻話，自從學習左用另一角度思考，佢發現，其實自己唔係一定要只係妒忌人地。。。

無常，好多人認為係一種遙不可及的事，但係無常其實每一天都會響我們擦身而過，只係我地唔多覺佢埋左你身。結果無常有一天帶走左你身邊一樣野既時候，或者你會怨點解要帶走佢……但係，如果你一早就學懂左無常呢個道理，你會發現，生老病死其實係人生必須經歷既野，而且仲係萬物既自然定律之後，你又會覺點解要咁快呀……點解你唔可以用隨喜功德既心去諗呢？

因……口入面有個大字，大字再拆出一、人。每個人既結果其實有著一大原因。眾生畏果，䔒薩畏因。

天水圍的日與夜

早排許鞍華o既姚姐憑葉德嫻拎左個康城最佳女主角既獎，香港舉港歡騰咁既樣，又話香港電影業仲有得救云云。

今舖唔係同大家講什麼香港電影業前景，亦唔係講下青姐既前景。反而想講下天水圍的日與夜既情節。記得鮑姐鮑起靜講過，呢個呀媽既心情係，佢從來都唔覺自己欠缺左乜野。話說佢老公早死，留左個仔張家安比佢，而兩丁友就住響天水圍公屋入面。

天水圍的日與夜，係當全城港人都講緊天水圍點慘法既時候，一班有心人去用另一角度，帶觀眾入去天水圍睇下佢地生活，係咪真係咁慘。以我個人不定期走進天水圍的觀察，天水圍其實無某些人講到咁悲情城市既。至少天水圍都唔係個個拎綜援，有好多天水圍人其實好勤力工作，為著就係唔使政府幫，希望可以自力更生。而故事中既主角亦都係咁，佢從來都唔覺別人、社會欠左佢乜野。

記得鮑起靜曾經講過，呢位媽媽(貴姐)從來都無覺得佢欠缺左乜野，每日都係返工放工，煮飯、做家務，日日如是。其他人睇落，佢好悶，無自己既生活，只係為家庭而活。而佢個人既性格亦如此，當年供兩個細佬讀書，兩個細佬都發大達，而貴姐就繼續簡簡單單咁過著兩母子既生活。貴姐既兒子—張家安。典型乖仔，成續唔係標青，而且屋企唔多錢而好少參加課外活動。

貴姐唔單止佢自己快樂，而且仲令到一個新搬入既鄰居，由隱敝變為開朗。貴姐自己響附近一間超市工作，每日就係去開榴槤。梁歡(陳麗雲)最初搬入天水圍都好唔習慣，後來佢又入左呢間超市做賣菜。剛巧遇上貴姐呢個貴人，歡姐想幫自己買把風扇，貴姐即刻打比家安，啦佢落樓幫歡姐拎返屋企。試過買完餸，同歡姐一齊合單抽獎，送左份獎品予歡姐。歡姐最後比貴姐感動到，可見平凡人都可以做到好多不平凡事，唔一定要名人至會做善事，唔一定要掛個牌至識做好事。就好似拎牌既估評人唔一定比唔拎牌既人好，唔一定會識講真心話，唔一定識拆冧把降。

有時諗，其實現代人類會唔會太多搞作，令到自己連休息時間都無，個個都只係顧住自己，好多時會忽略左其他人。結果往往要等失去左至發現自己做咁多野原來都只係得個殼，內在其實十分空虛，完全唔知自己活著為何？

好似失去左青春，至發現原來自己只係掛住做，而唔記得左青春係乜東東，結果皮膚又老又黃既時候至去補乜補物……

好多時候，人類只係識諗自己，認為自己搵到好多錢返屋企就係對呢個家盡左責任，驀然回首，到底自己對呢頭家既了解又有幾深呢？

宗教信仰

　　好多人都會有宗教信仰，但亦有些人認為宗教係一種虛無既野，不值得一信。不過小弟就咁睇，宗教背後，您信就會有，您唔信就點都唔會有。咁，到底我有冇宗教信仰既呢？當然有……就係佛教。

　　到底，CHUNG CORDERO 幾時同佛教結緣既呢？咁就要數返大約十年前，有一次既星期日，呀媽開著部收音機，轉左去官府電台第五台，剛好當時就係播緊葉文意居士既佛學講座，就係咁就同佛陀結下不解緣。

　　記得，當時係講緊「執著」，自己當年仲係一個黃毛小子，對好多野其實都抱著一個放不下，例如當年有人改我家姐個名，我就好認真咁要同人地講明佢個名係咁樣……家陣諗返起其實都幾傻。別人點講，其實係別人張咀巴唔收，自己可必要為人地而起個嬲怒心呢？何必為自己帶來一個苦呢？

　　後來，自己開始對事情學習用多幾個角度去思考，開始明白到，世事唔係只有一面，只要識用另一角度去諗，就會發現到事情仲可以有彎轉。

　　佛教，都經常提到感恩。有些人話感恩係基督／天主教至成日用。其實，感恩心，唔係掛在口邊就得。最終既目的，其實係想您將呢份心活在你既生活中，咁至係真正既感恩心。單單掛在口邊，成日話感謝主，實際意義其實不大，因為要感恩，就要從心出發，發自內心咁去感謝蒼生，呢個至係感恩。

　　咁，係咪天主教佢地既感恩就係假呢？當然唔係。只係有些人利用宗教去傳播一些非正式既道理，天主教既感恩，都係教導人由內心而發，只係那些有心人自己未掌握箇中真正意義，就以為自己係天神派落黎，響度胡說八道。講到底，宗教其實都係導人向善既宗教，如果有宗教話比錢就可以令自己免去罪名，呢類其實係邪教。

　　有好多人都會以為，上香就係佛教、求簽就係佛教、拜神就係佛教。其實，大家都錯左，佛教其實係唔上香既，亦唔需要放個佛像響度先至係信佛教、做左佛教徒。其實，佛，係活在生活中，無需大費週章整個佛像出黎貢養至叫做信左佛。正如觀音借庫，其實觀音係無借庫、開庫呢回事，只係民間既人話佢係咁既嗟。

　　不過，宗教信仰，每個人都會有佢地既觀點既。正如基督教同天主教都有分別啦，係咪？

尚福林

尚福林簡歷

1951年11月出生，漢族人，山東濟南人，金融學博士。現任中國証券監督管理委員會主席、黨委書記。

1969年至1973年在部隊股役。

1973年至1978年在中國人民銀行北京市櫻桃園分理處工作。

1978年至1982年在北京財貿學院學習金融專業。

畢業後分配到中國人民總行總行，工作了18年，歷任副處長、處長、副司長、司長。最初12年主要從事計劃資金工作、歷任副處長、處長、副司長、司長。

1982年至1990年在中國人民銀行總行綜合計劃司工作，歷任副處長、處長。

1990年至1993年歷任中國人民銀行計劃資金司副司長、司長。

1994年任中國人民銀行行長助理、1996年4月任中國人民銀行副行長。在央行工作期間，尚福林注意鑽研學習新的經濟理論，通過進修深造，獲得了博士學位，並成為中國人民銀行貨幣政策策員會一員。

1997年7月任中國貨幣政策策員會第一屆策員。

2000年2月任中國農業銀行行長。

2002年12年27日，接替周小川出任証監會主席、黨委書記。

2002年11月在中共中央16大當選中央候補委員。

2006年獲得CCTV中國年度經濟人物獲得者。獲獎理由他望聞問切，對多年的制度痼疾明察秋毫。他大開大闔，開出的處方具有外科手術般的精確。股權分置改革使中國証券市場在2006年發生歷史性變革。

2007年10月21日在中共十七大當選中央委員會委員。

郭樹清

郭樹清，男性，1956年8月出生，內蒙古人。

1974年8月至1978年2月在內蒙古四子王旗紅格爾公社插隊。

1978年3月至1982年2月於南開大學哲學系讀本科。

1982年2月至1988年2月，任中國社會科學院馬列所助理研究員(在1985年2月至1988年2月攻讀中國社科院研究生院在職法學專業博士學位；1986年3月至1986年6月借調國務院經濟體制改革方案設計辦公室工作，1986年7月至1987年8月赴英國牛津大學聖安東學院作訪問研究)。

1988年2月至1988年7月，任國家體改委國外體制司工作。

1988年7月至1993年5月時任國家計委經濟研究中心綜合組副司級副組長，1992年4月獲聘為研究員。

1993年5月至1995年10月間，出任國家體改委綜合司綜合規劃與試點司司長。

1995年10月至1996年2 月，出任國家經濟體制改革委員會宏觀調控體制司司長。

1996年2月至1998年3月，出任國家體改委黨組成員、秘書長。

1998年3月至7月任國務院體改辦黨組成員。

1998年7月至2001年3月任貴州省人民政府副省長。

2001年3月至2005年3月，出任中國人民銀行副行長、黨委委員、國家外匯管理局局長；2003年12月至2005年3月兼任中央滙金投資有限責任公司董事長。

2005年3月至2011年10月，出任中國建設銀行股份有限公司黨委書記、董事長。

2011年10月，調任中國証券監督管理委員會主席、黨書記。

項俊波

新任保監掌門人項俊波。

漢族人，1957年1月6日出生，重慶市人。法學博士。1985年畢業於中國人民大學財政系。1994年獲南開大學經濟學碩士學位。1998年獲北京大學法學博士學位。

其簡歷如下：

1993-1996年任南京審計學院副院長。

1996年曾任審計署管理指導司副司長。

1996-1999年任審計署京津冀特派員。

1999-2000年出任審計署人教司司長。

2000-2002年3月間出任審計署人事司司長、黨組成員。

2002年3月至2004年7月出任審計署副審計長、黨組成員。

2004年7月至2005年8月出任中國人民銀行副行長、黨委委員。

2005年8月至2007年6月曾任中國人民銀行副行長、黨委委員，同時兼任中國人民銀行上海總部主任、黨委書記。

2007年6月至2009年1月出任中國農業銀行行長、黨委書記。

2009年2月至2011年10月出任中國農業銀行股份有限公司董事長、執行董事。

亦是中共十七屆中央候補委員。

2011年10月28日辭去中國農業銀行股份有限公司董事長職務，翌日赴任中國保險監督管理委員會主席、黨委書記。

妒忌

今次健康地球人心靈環保既講題係「妒忌」。講開妒忌，大家又有幾經常對別人既野產生妒忌心呢？妒忌人人都試過，包括筆者自己都有試過妒忌心。例如有時見到人地一雙一對既時候，都會有種妒忌心，點解人地可以咁甜密，而自己就形影隻影呢？

有些人會諗，點解人地咁受歡迎，但自己就會咁樣既呢？

衍陽法師話，其實係自己對自己缺乏左信心。唔使叫自己，內心至會走出妒忌心，一下子就可以走出來。但某程度上，其實都隱藏左自己一種自卑感。法師話，試下用隨喜功德，雖然唔係自己開心，但自己都會替人開心。

咁，讚人又係咪可以令自己個恨人既心可以唔使一野就走出黎呢？原來有一樣野好簡單，就係學習對別人讚美。讚美別人，係一樣好唔容易常常做到既事。好多人會咁諗：做乜要讚佢呀？我又唔會有著數既！好多時候人們就係認為無著數/回報而唔會讚人，即使讚亦都係求求其其講一兩句就算。

講真，讚下人係咪真係好難呢？定係我地過唔到自己既關，驚死讚人會蝕底左咁。有時候讚人，係咪一定要有回報，人地要請你食塊餅至得既呢？

人就係太過計較別人擁有而自己無既野，而產生出呢種妒忌心，總唔抵得人地咁好而自己無人地咁好。咁又會返去另一個問題，就係點解我唔係李嘉誠…

何必成日都要咁對自己呢？成日唔抵得呢樣，唔抵得o個樣，到頭來唔開心既咪又係自己？或者當人有妒忌心既時候，或者無諗過，人地係唔係因為你既妒忌心而少左忽肉、當日變黑仔、甚或乎會自己都唔開心。講到呢度，如果你都仲係唔明白，係都要繼續唔抵得人地點好點好，而自己就點唔好點唔好既話，我諗你都係快D離開呢個頁面、離開呢個博客，請盡快返回你既屋企：火星。因為，你都係無咁既慧根去明白、無咁既胸襟去接受。火星，至係屬於你既家。

沽空

最近大市係咁跌，好多人怪大戶沽空，搞到個市跌極都跌唔完。其實，沽空係咪真係咁洪水猛獸，真係搞到市場無日安寧呢？

沽空其實係市場操作之一，讓部分投資者可以就自己買左既貨做對沖。問題係，有部分投資者本身無持貨但走左去做無貨沽空，呢樣野做成左市場上一種不穩。咁係咪就應該將沽空禁左佢呢？其實無左沽空，根本止唔到個跌勢，只係令個市跌慢左，但無令個市掉頭回升啵。早幾年大家都睇到歐美曾經禁止沽空幾個月，但係個市無因為無得沽空而上升番，大家係有眼睇既。所以唔比人沽空，其實意義不大。反之而言，係應該為沽空機制作一些監管，例如嚴格執行禁止無貨沽空。

咁，點解散仔會對大戶係咁沽空咁怨恨呢？青姐既睇法係：「佢地欠缺大戶既本能同實力，所以永遠就處於下風。」咁又係，班散仔只係靠聽大行報告去做野。大行報告本身其實好多時都係慢幾拍，叫你地買乜賣乜，其實係佢地儲夠貨就唱好比手貨你，佢想要貨就唱淡隻股票，等你比手貨佢地。總之一句講哂，「公就佢贏，字你都要輸」。

曾經有投行職員響自己既 Twitter 度爆響口話，班友唔輸我地點賺錢？？其實反映左投行職員同散仔既最大分歧，就係您地賺錢佢地蝕錢，咁樣既話佢地係會比人炒架。經紀要開飯，無計。總之市況波動，大家睇路啦，唔係就永遠都會有二百蚊兵團出動架喇。

唔好亂咁去買貨，最穩陣就玩快閃，唔好響呢個時候同人玩細水長流……唔係當隻股跌到一仆一碌，打電話去問點做，人地都唔知點幫你咯。做投資、同人戀愛都一樣，就係要識止蝕。好多人以為，輸緊錢唔緊要，一定會上徥返家鄉位……你估家鄉雞咩，食落無咁嬲。輸左就要識認，最緊要係，跌低左識爬起身。咁係咪要原地爬起身呢？當然唔一定啦。好多人就係話邊度跌低就要響邊度爬起身，報番之前既仇。講真，唔係度度都有位比你爬番起身架，衰左，其實可以去另一度起番身既。戀愛亦然，你明知呢個係衰人，你仲諗住佢會變好？會唔會太一相情願呢……

人民幣與中國

美國佬自己搞唔掂自己個經濟，內部經濟不景、失業率無法下降、奧巴馬民望低企、來年總統大選、歐洲金融危機等等問題，以致歐美全體好似覺得中國會做救世主咁，實會去救佢地。又叫中國買意大利債、加大對歐洲既投資……點解唔叫中國買埋希臘債券呢？接近一百厘既息率啦，點解中國唔撲去買呢？

班鬼佬有好野幾時益過我地中國架？高科技從來都話係絕密野，唔比得中國，驚死佢會叻過你外國咁。自己唔掂就向中國伸出魔爪，要中國打救，好似中國仲係甲午後咁，任人擺佈，叫佢去邊就會去邊。好在中投講左句重要話：我地除左追求利潤，但同時要向國家及人民負責。講得好，你有事我就要黎幫你地，咁到我地有事，你地班鬼佬又會唔會伸出援手呢？

唔使問呀貴，梗係唔會啦，佢地班呀茂呀壽等中國唔掂等左好多年架喇，對於當年八國聯軍，之後將成個中國分餅仔咁你一份我一份，幾開心！今時今日中國日漸發展，影響力當然會加大，呀茂呀壽就當然有所擔憂，驚自身既強盛會有一天被中國所取代。

你睇下希臘，又搞全國大罷工，唔滿意自己國家為減債而收縮開支，似乎佢地想自己國家破產都唔想福利被削減……你話中國點放心去買你地既債券呀。美國有一班相對較正常既人，走左去發起包圍華爾街既得動，表達對班大戶高層，要政府>>即係納稅人打救，但同一時間又走去拎大筆花紅既不滿。

中國要發展，難道有錯咩？每個國家/地區都應該為自身發掘自己既優勢，並加以利用為自己地方創造財富，係咪先？你地作為散仔，都係咁諗啦，唔通諗住我買股票係諗住做善事、諗住止蝕、諗住比錢經紀賺掛？？？中國既發展路，係咪好似外國鬼佬講到咁，真係會霸佔全世界？中國一向都話自己係一個禮儀之邦，即使掘起都唔會週圍點火頭。講真，無版睇既咩，美國通街點火頭，成隻過街老鼠咁，表面民主風光，內裡又係笠笠亂，什麼美國茉莉花。日日都想中國亂，中國就偏唔比佢亂。吹呀。

不過中國自己本身都有危機，唔係成日都可以乜都壓，始終有一日要全面對外門開放，無得再以為民智未開咁做事，要加大力度打擊貪腐至得。唔係中國隨時會比呢班貪官搞垮。

短訊

CCTVB 有個所謂專題，問香港人每用幾多次短訊。

跟住跟進落去就係話，叫大家打短訊之餘都要比隻手指休息、緩和一下拉緊左既肌腱。。。。。。原來咁就可以有一個專題......睇落都無乜新聞好做咯，搞到要叫大家吾好不停咁發短訊都可以霸住五分鐘。

唔差在不如做埋個專題，教人點去新立法會呀笨......

職安健唔使人教，其實作為打工一族係應該要自己學識點樣保護自己架，唔係下下都要人教至識得點樣做好職安健囉。人應該有既常識去左邊度呀？

希臘

希臘既問題，響今時今日已經係一種類似癌細胞咁，不停咁復發，不停咁抑制住……但係點樣都襟唔住架喇，總有一天要爆煲。家下歐盟點都要泵水頂住，唔比爆住，其實何必呢？

其實，當年歐盟為左比多D成員加入歐盟做自己友，暗中做左好多事，至比到五隻豬仔入到會。但係，佢地當中明知班豬仔其實內有暗病都照比佢地入，講到底都係想短期內可以增強自己既勢力嗟。

最近，評級機構係咁調低國家主權評級，又為乜呢？今日新聞出左一宗……話有間比利時同法國合資既銀行被指持有大量希債，可能需要歐盟急需救助……而且歐盟仲話可以比個別銀行解體、合併、削債，好在匯豐響2007年就敲定火警鐘，叫定大家走火警，結果一直到現在，呢度又走火警、O個度又走火警，搞到周身都發病，但係又度度都醫唔好。唉……

與其話什麼歐盟要一體，唔可以分開，你睇下呀，德國既民眾對佢地個總理既表態就知，佢地執政黨響德國地方選票中節節敗退就知。德國民眾身受其害，當年打完一戰，德國為左還錢而大量印銀紙，結果呢…咪出現惡性通脹、民不聊生、卒之，咪整左個希特拉出黎。仲整埋第二次世界大戰出黎……問你怕未？

當然，小弟唔係話遲下會黎多次世界大戰，只不過如果歐美一路都係咁笠笠亂，講唔埋唔知幾時會有一個救世主走出黎，誓要入刀山，做救世主呢？自九一一之後，地球開始轉為笠笠亂，呢度咁多戰亂，有唔少都係由歐美背後搞出黎既。所謂反恐戰，背後其實係一個同軍火商既官商鈎結既其中例証。想當年，係邊個捧小B上場架？咪就係班商家囉，所以佢咪要明知會發生九一一都照比佢發生，為乜嗟。當初世界尚算和平，班軍火商邊有工開呀…所以咪要搞單咁既野出黎，等小B可以報答資金來源。

希臘、德國、法國……歐豬仔既債務始終對世界係造成一個不穩定既影響力，而且呢種影響會好似感冒咁，得閒發作下，仲要週圍去，去下希臘、去下葡萄牙、去下西班牙……總而言之就週圍走，週圍搞搞震。。。

咁，次按係點黎既呢？原來當年呀倫減左好多次息，整到呀茂呀壽都走去買樓，甚至乎周身債既都可以買多幾層樓去住。。。結果，美國後尾開始加息，呢班無錢仔就開始現形，斷供潮一觸即發，跟住，原來班接按揭既又將呢類有問題既資產轉讓轉讓再轉讓，整左班二百蚊兵團出黎，日日響銀行門口嘈嘈閉，影響人地做生意。

社會工作

睇到面書一個社工朋友講開......突然諗起以前做義工時，又真係識左個老馮社工。

點老馮法？就係將屬於自己應負既責任，都輕輕帶過而且要推落人地度。所以，無禮貌既社工...小兒科喇，唔入流。

搞個活動，都搞到一塌胡塗，唔知做緊乜。重要既野唔理、唔用，其他無關痛癢既野，就好鬼緊張，唔知忙乜咁。

平日，只要比佢發現你係有承擔，你就即死！您會永無寧日，日日都會有好多野要做......包括寫計劃書、成個活動既統籌會比埋你做<<<佢唔會揹任何責任架，方便有事時推落你度，自己安然無恙，拍拍馬屁就散水。仲要扮同你老友咁......呢下至假、頂佢唔順。最可怕係，響佢身邊，圍繞住佢既「朋友」，都係對佢完全附和，有些少似太監咁，老佛爺講乜叉，佢都百分之一千咁附和，完全佢話一就一咁。。。直頭好似一頭跟尾狗咁。

不過老馮社工，總會有些老馮朋友跟身。一句你係男，我係女......梗係你去做啦，唔使你做呀？真係老馮到......原則上我唔識你架，大家都係義工，你憑什麼去命令老子去做野先？即使呢件唔係義工工作上發生，你都係無權利咁做，即使你媽媽，都未必可以向你落柯打啦，係咪？

大家咁高咁大，您係職員，係背負住個機構既聲譽；我地做義工，唔得閒就唔會黎幫手，唔係下下你吹BB 就要黎幫手，你估我地個個坐定定好似響金魚缸等你寵幸咩？所以後來，老子對佢採取「睬你都有味」既態度：鐘意就黎，唔想就唔黎。一於唔比你控制，吹牙！到取近同一班相近立場既朋友食飯，原來老子後面有好幾個人係咁跟住：睬你都有味。。。哈哈，原來呢個社工都......幾失敗。

搞過唔少活動架啦，招攬過唔少義工，但係點解無乜幾多個會留低既？最好笑係，一次新拍攝活動中，聽到一個新組員話......佢只不過係一個PW黎嗟，都只係為份糧而工作。第一下幾乎碌左落地......無他，社工唔似社工，難怪人地會以為你係一個活動工成員，而唔係一個社工。

唉......

粗口

大家都一定有講過唔同程度既粗口架啦，係咪?? 今日唔係教大家點講粗口個樣會無咁衰，亦唔係有咩新粗口教你點講......只係有時諗下，粗口係咪一定要每個句子都要夾番一兩個至得呢??

先頭同人 msn 時候，無啦啦比人問候自己媽媽。。。好老實，你係唔滿意我嗟，何必要拉埋我媽媽落水呢?? 有時粗口真係可以體現出一個人既修養、修為。就好似先頭問候我屋企人既朋友，佢本身中五無科合格咁畢業，家陣日日響屋企，唔知自己想點......想搵 office 工。連最基本既中英文都未掂，搵呀茂請你咩！響一個高度全球化既社會，語文唔得，大部分既工都唔使諗，只有唔使語文要求或者較低要求既至會搵你。雖然無人話打條死呔就代表個人有好修養，但喺呢個先敬羅衣後敬人既世界，至少唔會比人歧視，儘量遠離你十丈先。

咁到底粗口呢樣野乜叉叉人發明既呢?? 呢度不作討論。咁到底呢度講乜粗口呢?? 其實，反而想講下粗口背後受牽連既人：人地既媽媽。自問對粗口無什認識，識講既都係由他人聽返黎既。唯有樣野比較好奇既係，點解總會有班呀茂咁鐘意問候別人既媽媽呢？其實，係咪佢地無媽媽既呢？唔係呀，無媽媽又點生得佢出黎呢？

講真，有些人係情不自禁咁，點都要搵人地媽媽配襯下至安樂......就好似先頭既朋友：佢間唔中都會問候下我媽媽，所以我媽媽身體唔差架。但係，唔該有咩對小弟不滿，唔好搵埋媽媽出氣，你都係對我不滿，何必要鬧埋我媽媽呢？佢係無辜架。

只不過，有些人又真係唔用粗口問候佢又真係唔夠語氣形容。對住一些您好鬼恨，直頭係見佢前面、憎埋佢後面既人，有時真係會係咁爆粗。

但係爆粗既人又係唔係真係行到邊爆到邊呢？講真又唔係架啵。有些人係有節制既，唔會係又講，唔係又講既。。。

胡孟青 下

講開胡孟青，到底點樣知道呢個人呢??

話說，五六年前，一次有線既人上門推銷，咁就安裝左有線。

有一次，呀爸同我講，有個咁既股評人「個股民買左隻股票跌左，問點算好?? 個股評人講完一輪，居然叫佢問朋友拎番先」......咁都得。

就係咁，開始認識胡孟青呢個人。笑鬼死。跟住開始留意佢做節目，朝早...可以用收音機，當年係同呂小姐一齊做。到下午時間，因為事忙，所以要錄起佢，返屋企至有得睇，順便睇下會唔會又有笑料可以留低佢>>家下都有近三隻碟係睇呢類野。

聽落，青青真係有做準備功夫至開咪，唔會求其老吹老作，亂咁叫人買。有時佢睇唔好既公司，佢真係會反問你：唔買得唔得呢?? 不過有時班散仔，唔比佢買又點得呢......比散仔鬧>>唔比買股票，死罪一條<<即使係輸到爬街都好。

由問朋友拎番先，到跌得好慘，去到士可殺不可辱，吸收左不少知識。呢樣野係比起日嘈夜嘈既人學得更多，亦係相當珍貴既經驗。

認識胡孟青，令我明白到做事之，前如果係唔識既，就先去做功課，睇下呢樣係乜叉叉，唔好亂咁黎，話去就去。有時唔係樣樣野都可以話去做就去做。要自己有個認識。

同埋，出事後，請問問自己，點解會咁既呢?? 自己犯左乜野錯......而唔係好似二百蚊兵團咁，日嘈夜嘈，乜都話要真相。有咁多真相比您咩。世上總要有人唔開心架啵，講事實你又唔鐘意，人地有六千蚊你無又嘈、人地起條橋你又嘈、人地有錢拎你無又嘈。

有時候，無左就係無左，無得怪人。點解你唔怪自己貪人地咁高息而中左個頭入去，而係話點解你會賣D 咁既野黎。希臘債息好高呀，又唔見你去買??

胡孟青既著作，亦係我離開學校之後，第一個人令我再買黎睇既書。佢本估市不如練功，入面講野，並非o個D 一字排開既星級分析員...買呢隻、買o個隻。聽到一些估評人係咁話呢隻買得、呢隻買得......心都寒一寒，跟住聽到佢都揸左當中近八成公司股票，當下諗會唔會呢個股評人可能都坐緊艇，話唔埋叫人買，等佢可以比手貨新股蟹呀婆。

著作入面，主要係教大家點樣做功課，平時有乜野數據要睇，有乜野指數要知，甚或乎有咩網站可以去睇其他股民既心態。最緊要係，留意大行既冧把降，唔好以為佢地真係咁好死，比個冧把你去跟買。所謂「公就大行贏，字散仔都要輸」。大行報告、窩輪推介，好多時都應只係用黎做參考，而唔係大行唱好就走去買架。通常大行叫人買，佢地梗係收齊貨至搵人寫份唱好報告啦，唔係邊個幫佢接呀?? 到佢想要你手貨，咪寫衰間公司，話佢乜話佢物，等你放番手貨去佢既口袋度。

即使最近仲有好多人打電話去電台問，呢隻買唔買得、o個隻好唔好買......D錢咬得你好痕咩? 無貨響手真係訓唔到咩??

胡孟青 中

兩點半左右，我就整埋些少家頭細務，跟住就換衫出去。

去到交易廣場，先視察一下環境，好在無二百蚊兵團包圍......一切正常。。跟住落下低巴士總站望左一陣，影左幾架車。。

差不多四點九，動身行去 550：約定等候新朋友既位置。哈，咁都會有人一齊去等。原先諗住係自己一個去等，影番張相留念。。。一齊上去博物館門口既時候，朋友話「死啦，唔知一陣會唔會比佢趕...『我唔使有粉絲』、『你地走啦』...起初有些擔心。

出黎喇，好緊張......對上一次見到，都只係響出面天橋有過一面之緣。今次係直頭搵佢影埋相。。。。。。定D黎，青青個人其實係友善既，只係對我地突然話影相有些意外「影黎做乜？」當知道我地兩個唔係二百蚊兵團或其他貓仔隊，佢都放心咁同我地一齊影。仲問我地兩個點識>>>面書囉。。。哈哈哈。。。笑得好爽，唔似家下既主播，笑都要用手遮住。當知道我面書個名......原來就係你。。哈，其實真名唔係咁既，只係鐘意孟青二字，所以就借黎用。

由於青青無預期過會有人等佢收工，所以我地同佢都只係傾左幾句就走，走之前青青仲好好人，比左佢聯絡方法。。。。

影相時候，仲吸引到入面幾位姐姐出黎......青姐，好唔捨得你呀。幫我影張相呀。難得既一個下午，做左一件有意義既事。總好過得把口話唔捨得、支持......至少家下間中都有聯絡下，傾下財經趣事......

胡孟青

講開又講，認識胡孟青都有幾年，但都只係於銀幕、聲音上既對流。真正見面，反而係佢響有線既最後一天。

話說，有日響佢面書度留言，話一排無睇佢節目...覺佢清減左些少。點知佢覆...八月十二係佢飲咖啡既最後一集......

起初以為佢講最新一集響8月12......後來聽到既消息係，原來做埋八月，青青就會離開佢效力多年既有線電視。當時打左個突...咁突然既。睇番佢寫報紙，知道都係有些幕後問題。。。。而有線個財經資訊台面書有唔少人留言，指唔捨得青青。當時我忽發其想，不如最後一天去中環會下佢，以示支持。

留言之前都有擔心，唔知有線會唔會拎走我既留言......後來胆粗粗，留落去，睇下有冇人理先。。。點知真係有幾個人留言，問可以去支持既咩?? 去邊庶等佢呀?? 咁我覆落去，話當然得啦，唔係好似二百蚊兵團咁樣衝入人地辦工地方，阻人運作，只係響門口等佢，無問題既。

後尾，有個留言既朋友仲 ADD 我......起初諗，乜水黎架呢? 唔識架啵。。突然醒起，呀，係青青既有關人士，咁即刻答應邀請。過左無耐，就有個信息問，當日係咪會去等青青架??  咁就約左個人一齊去等。當時係卅一號既兩點半鐘......

林憶蓮2011年廣東歌《枯榮》，亞視本港台外購韓劇《你是我的命運》主題曲。

作曲：常石磊
作詞：喬 星
編曲：常石磊
監製：林憶蓮、常石磊
Mixed By：Kelvin Avon
主唱：林憶蓮

一呼一吸 一眨眼睛
年華如同流雲 化作泡影
出生一刻心跳聲
床前彌留時辰去細聽
驟爾來 在哭聲 驟爾回 沒笑聲

＊ 滴答滴答光陰過隙
童年我而成年 秒秒壓逼
一絲一點想記憶
回頭原來搖籃 悄悄褪色
驟爾來 沒珍惜 驟爾回 未歇息＊

月有虧盈陰晴 輪遞不停
換到功名虛榮 轉眼如幻影
花事哪可敵過一枯一榮
明艷過 磨蝕了 過程

春光秋色 不堪滿足
回頭沿途繁華 哪裡駐足
一章一章演奏曲
如何迷人仍然要結束
驟爾來 但一生
驟爾回 暫借宿

OT

早前㗕到乜野叫OT......

OT 中文名叫逆向操作。今舖陰毒精利用呢樣野，沽短債、買長債既手段，企圖推低長債息率，令多D人可以走去買個殼揹，意圖刺激整體市道，等更多人有工開云云。

其實，呢招既成效有幾大，小弟才疏學淺，唔識答。但係從其他數字上睇，個人認為成效應該只係一般。況且要用半年至一年時間去睇......講真一句，以現時經濟情況黎睇，出乜叉叉招都無乜用。因為美國最大問題係，人民唔敢做大消費，寧可將錢儲起，留多個錢傍身好過。有走火警成功既人指，以過去既經驗，今次既風暴，2013年會係一個買樓時機。真係信不信由您！

查實，陰毒精出乜招，個效果其實都大極有限。你睇下，中國既商人，仲有幾多係做緊自己既正業而唔係去左做人人貸?? 況且，人人貸已經開始有壞賬，大耳窿都難做。。。咁你話，呢個時候有錢，係咪留響身好過呢?? 係。。

咁，未來幾年會有嚴重通脹，我個荷包會越來越細，點樣保住自己既錢唔會比通脹食左?? 有冇乜野好買呢?? 坊間有人話，金銀可以再升。金會見6000；銀會見600。信唔信由你，最近末日博士話金價會碌番落1100......以現價計仲有幾百美金水位比佢跌；而銀價，chok到呀媽都唔認得，一係唔點郁，一係就十元八塊咁上落，真係無飲定定驚茶，都唔好亂咁跳入去玩，唔係心臟病發真係唔好賴人無通知定。

風繼續吹

打風喇，九月尾打風。

今次個名叫納沙......

回顧一下，九月份，小弟繼續搵工，月頭時份準備慶中秋節。等左成年，終於有月餅食喇......中國咁多個節日，老子最鐘意既就係中秋節，有月餅食......對月餅既鐘愛程度勁過農曆新年。

去到月中，時間表開始有些改變。。。以前唔運動，去到九月中開始為自己安排一些日子係去做運動。老子最鐘意既就係：行山。

不過，多數在平日去行，所以好多時都係自己一支公去行。最多去既係......大風坳。

大風坳響邊??? 大潭郊野公園聽過無呀?? 不過係由太古一帶上山既。。

成日比人話......你身型又唔怕吹落海既。。。乜我真係好肥咩??

近況

近期，市場禾雀亂飛，好多消息...希臘會違約、歐豬唔掂、通街都炒緊人、舖頭十室九空......

自己都有亂亂地。因為自己都搵緊工，見到出面都有企業招聘人手，但係覺佢地既態度都轉趨審慎。

祖國廣東佛山最大既塑膠廠都倒閉......內地全民放數，但係有人走佬，結果個耳窿要收細，因為放左廿億出去，原來可以有一半係收唔番。。。而全國銀行錄得資金淨流出既水平亦見攀升，足見內地好多企業都開始不務正業，走左去做收數佬。
無他，因為放數好搵過做老本行，回報可以有成二百厘息，我有錢...都做放數好過打工啦，係咪先...

但係，青青講得到位，個市開始崩潰緊，只係大家被溫水煮緊，唔多覺而已。今日，最好就係一班手持現金而唔入市既隱然人士，因為真係唔使咁急去買野，個市都只係彈散格。跌得多，跌到殘，咪整幾個利好因素比佢，等佢升番一浸。班芬佬就係咁派貨，班傻仔就係咁接貨。其實經歷過2007，班傻仔好似仲未有領會到咁，呢個時候仲好恨要有貨響手，無貨會訓唔到咁。

「陰毒精伯南克」<<<(青姐咁講既)，無論佢出幾多招降龍十八掌都係無用架......因為，美國人民係唔敢消費，唔係個息高唔買樓，而係根本無工開，好似我一個表姐既呀爸...響美國住緊，佢美國公司要佢放三星期無薪假......係香港班零項全能官員仲同大家講，OT 係正野，掂架。。。

講開又講，乜野叫做OT呢???

IQ 題 3

1. ABCD AB：國家  CD：職業
2. AB/BA  二者均為職業
3. 劉小姐結婚後，點解唔肯跟夫姓??
4. ABC/ABC 文儀用品/動作
5. 陳啟泰屁股，港鐵站。
6. 姓賴既國王，港鐵站。
7. ABC/BC ABC：新聞記者  BC：魚類
8. 有咩花係唔抵買??
9. 會游水既媽媽。
10. 鑽石跌左落馬桶，講一個港鐵站名。





答案：
1. 波蘭..司機  2. 司機/機師  3. 夏劉聯緍  4. 打字機/打自己  5. 太古  6. 荔景
7. 方東昇/東星斑  8. 玫瑰花  9. 水母  10. 東涌

IQ 題 2

1. 唐麗球患重病，梁思浩趕往醫院探望，不停講一句賀年食品。三個字
2. 車輛行錯路。估一種物品。
3. 大姐明被人熱烈追求。估一日本女星。
4. 有日思浩去拜年，食左好多糕。期後有人拜年之，不傎放左一下屁。估成語。
5. AB/BA AB：男藝人名字  BA：糖名
6. 梁思浩香左，估一中國地方。
7. 乜野係越高越細??
8. 乜野桶載唔滿水??
9. 唐麗球結婚，侍應傳上清蒸大石斑，但鼓油只係倒左一半。全枱人一齊叫左一個女歌手名。
10. 孫中山過身後，世界有咩改變呢??
11. 有乜野響大國只有十二個??
12. 會講大話既野食。
13. 睡美人最驚係乜??







答案：
1. 糖冬瓜  2. 白花油  3. 椎名林琴  4. 一鼓作氣  5. 家樂/樂家  6. 新疆
7. 飛機  8. 馬桶  9. 林志美  10. 少左個人  11. 生肖  12. 雪芳蛋糕  13. 起身

IQ 題 1

1. 早晨放屁。估成語。
2. 邊隻老鼠用兩隻腳行?
3. 梁思浩最唔鐘意邊間公用事業??
4. 火葬後做既一樣野...估一娛樂圈人。
5. 聖誕舞會，張國榮無出席<<未香之時計。估一種菜。
6. 沈殿霞比人落左乜野降??
7. "A"離開身體後。。。。估中國一地方。
8. 什麼時候，5=17??
9. 貴田田響街庶拜神。估台灣組合成員名字。
10. 新年最唔想收到乜野??










答案：
1. 朝氣勃勃  2. 米奇老鼠  3. 煤氣  4. 成奎安  5. 小唐菜  6. 不锈鋼
7. 灕江  8. 24小時制  9. 朱孝天  10. 大吉利是

大埔墟、太和

大埔墟，原名大步墟。

大埔舊墟以前是新界中心地帶。當年鄧族在宋朝時代移居到錦田一帶，其後向東西兩方擴展：東至粉嶺一帶；西至流浮山、元朗、屏山一帶。

而粉嶺居民沿林村河一帶建立墟市。北接深圳墟，南接九龍城，東通大埔海(即今吐露港)。

1892年，大步墟被裁定為鄧氏的稅墟。大埔的天后廟有石碑記載。當年舊墟有村公所、直街、天后廟。直到今天，剩低天后廟。

1893年開始興建太和墟市，當時墟時在今天富善街一帶。至1931年，新大埔墟市落成後，逐步取代大埔舊墟。

而為向外推廣大埔，加強內部歸屬感，大埔每 3 年就會舉辦一次大埔節。

而太和市逐步發展。至七十年代開發新市鎮，興建了太和邨。邨內大廈的命名以喜愛新居、翠麗雅致、萬家永亨為第一字。

讓位

讓位，係一件好事。

只係，有時狹窄既通道，有位就坐啦，唔好阻住人地行囉。

港鐵加價

港鐵早排按機制加價...

小弟今日坐電車既時候，聽到兩個呀毛講及地鐵>>即今港鐵加價同埋其他交通工具車費比較......佢地不約而同話港鐵賺百幾粒仲要加價云云。

小弟響呢度要替港鐵不值。佢都只係按機制做野，況且當年都無將港鐵盈利表現放入可加可減機制度，今日加價當然都係按當年制定既機制做野啦，按機制做野，符合香港依法辦事既傳統啵。

只不過，人情上就好似差左些少嗟。當年合併搞左個可加可減既票價機制，原意話有價減。明眼人都知，呢類咁既機制，最終只會成有加無減既票價機制。真係，係立法會議員至會信，而令到香港市民信埋一份架咋。就好似隻276，係呀婆、呀伯、呀叔、呀嬸至會信一樣>>>>>一個偏遠煤礦，特地起條鐵路運煤出去，要幾多年至會有錢賺呀??

雖則話港鐵唔係要起多廿條線至會有錢賺，但係，全球鐵路都係有蝕無賺，得港鐵至年年有得賺。但要留意，其鐵路業務其實係年年蝕錢架，賺既係，物業發展呀、商場呀之類架咋。家下物業發展都唔係完全好多錢架咋，無樓起又點搵錢呢......

要加價，要整個票價穩定基金，完全係搵政府笨。但係，呢個政府唔搵佢笨又搵邊個笨好呢......作為港鐵單一大股東，政府又點會唔乜都以佢為先呢......況且，香港山多路窄，唔起多兩條鐵路，唔通通街都係巴士咩???到時區議員又會話政府要限制巴士數量架喇。

講開又講，班區議員乜都係佢地說了算：無車又話要加車，條路擠塞就叫政府限制車量。到底政府做得乜野呢?????? 不過佢地都係因為 seafood 痕嗟。。

忙

好耐以前，北京王師傅曾經響 Money Cafe 講過打工仔既「忙」，最近，小弟去坐港鐵，見到呀茂呀壽都有拎住部pad pad或者係智能電話......檢查電郵、睇贏、打機......

忽然間諗起王浵世講過忙呢個話題。。

王浵世係乜水?? 上網查下啦......行長都做過喇。

自智能產品面世後，好多香港人都買返部，用去睇贏、check e-mail、打機。尤其係搭車時間，真係唔用好似會死咁樣。其實佢地係咪真係忙到搭車既一陣都要做埋野呢??? 諗諗下又未必。話就話忙嗟，打機邊算係忙呀......不過話佢地腦部發育不全仲好啦，廿幾歲甚至係三四十歲仲掛住打機，不如諗下第日歸左天之後放邊度仲好啦，家下一位難求，真係早死早著。

睇電郵既人，其實一部電話仔睇電郵邊過癮架，要不停咁用手指上下落下，醫生第時就會好忙喇，您地個個都走左去搵佢地醫手指關節。

睇贏......如果您怕暈車浪就咪制喇，無謂嘔到成車都係，其他乘客落車定唔落車好呢......

其實，香港人生活咁緊逼為乜呢?? 除左一般話為左間屋、為左家庭......其實有冇諗過除左係咁逼之外，有冇諗下自己想要乜呢?? 係咪真係要到四十歲至可以諗「自己要乜」呢樣野呢??  會否到頭來賺埋一大筆錢係為未來醫病既呢<<<<<大吉利是咯。自己要乜呢四個字，或者好多香港人都未諗過，因為佢地只係會諗第日可以環遊世界、住洋狗養番樓、同李先生睇齊等等目標。

之但係，佢地有有諗過要有一個平衡既生活，至可以響未來享用您呢個未來既願景既呢????

工作上，有些打工仔好似好忙咁，實際係咪咁忙呢??? 原來有部分係對老闆忙，其餘時間只係用黎扮開工。

做零售，曾經聽人話過要每日有新貨返至會有人睇......睇咋，唔包買。即使每日都有幾百人去您度睇，一個人都唔買，咪又係浪費金錢。。。。。。有時候比自己鬆弛一下，掃塵除垢，重新上路。好過讓自己積埋積好多野未清。。。。。

有意見，歡迎聯絡板主。

上報四重恩

佛家有道，上報四重恩。

甚麼是四重恩？父母恩、國土恩、上師恩、眾生恩。

父母恩，簡單易明。父母十月懷胎的養育之恩。

國土恩，有名國家恩。即使你唔鐘意自己國家都好，若果你生於一個無政府狀態的地方，你就會明白為何有國才有家。

上師恩，或者可以視作老師恩。老師教曉我們這麼多道理，怎麼可以不理他們！

眾生恩。唔好以為自己食既著既都係應份，背後都有著眾多因緣和合結合而成，不要忘記要感謝每一個人。

占卜

早幾日有個老友問呢幾日有冇時間食飯......當然有啦。點會無呢。

記得佢話廟街有個占卜問前程......打蛇隨棍上，一次過做埋啦。

先先去朗豪坊食個晚飯。原來無左部銀通機，要攀山涉水咁走去旺角站搵部機。點知去到部中銀機，九萬個八十後排緊隊......有排等。於是運用自身固有既智慧行個圈。結果搵到部無乜人用既東亞機。排左一個人就有得用，使乜鬼排餐死咁等部中銀機呀。

不過一去一回，咁就用左十五分鐘。要朋友等真係唔好意思。

食左間唔知乜鬼既薯條，唔錯。有皮既。

跟住聽佢講故仔。知道有人追佢但最後無疾而終......少許心酸。

之後去兆萬商場，話搵一個米老鼠既鎖...條鎖匙。原來話個女仔同佢講，您搵到條鎖匙就一世同佢一齊。。。。。。

不過最後都無搵到。因為佢自己本身都打算放棄，放手讓別人...

去到廟街個檔攤，驟眼睇，個占卜師有些面善。。彷彿好似唔知邊庶見過咁。

到坐低落黎問野。。佢第一句就話，好似響邊度見過你咁。。我問佢：您住邊呀？佢答秀茂坪。。。。。。無限想像......以前幾年都響上面出沒，見過真係唔出奇，再講落去。真相大白了，原來係以前功輔班既家長。當年上寶達做既時候既一個學生家長。佢個細路係班內唯一一個響秀茂坪就讀既塞豆窿。

問事業前景，先知原來占卜都有學問......例如話用左手拎牌，右手洗牌。跟住又係用左手抽十五隻牌出黎。仲有就係，有冇需要轉牌。開局，原來話，未來兩個月都會繼續返同一份工，要到八月至會重新開始。有新工返......仲話會係個男上司，會得到佢支持。。

而現在份工，牌面話，做得唔開心，始終留不下去。反牌與否......隨緣啦。開到係乜就乜啦。

占完，同朋友傾左幾句，跟住令佢再問下同呢個女仔會點。結果係唔會有結果，但係 8 月份會再次見面，不過都唔好求什麼喇，見返面都唔會有咩好結果。跟住朋友話，成日有好多呢類散拖出現響佢身上......同占卜師傾左陣偈，知佢個塞豆窿去左秀茂坪補習社補...成千銀一個月。。無計，自己搞唔掂惟有搵人搞。

最厲害既係，占卜完佢第一句居然係問我...您鐘意男定女架?????? 咁厲害，一睇就睇到。。跟住佢拎左個道家八卦出黎，講一陰一陽至和順......

搞掂左兩個，一齊去搵車搭。

途中，朋友話：「張sir識左你兩年，都係今日至知您原來......」

真人不露相嘛。

小小日記 3

最近想轉工。

原來，事頭諗野只係諗左一半，壞既一面未有諗過。佢唔係幾想諗，如果無人買佢既貨點算好......只係不停強調有得做。

唔係話無得做，我都知有得做。三個月要開始發達，會唔會快左些少呀......同佢講守兩三年...即刻話太耐，接受唔到。

所謂財不入急門呀。您得個急字，又要貪心，乜都要一齊做。其實，四隻手真係做唔到咁多野。

小小日記 2

出左 車立 門，發現原來我呀媽重投社會後，變左做一個好唔等得既人。等幾分鐘，都幾乎要殺人咁。

原先直接去等 85，結果走左去等 A12。等等下覺肚仔餓，走去美heart買左個咖喱角食。

落到呀婆庶，見到佢個人對腳......唔靚。

唔知點解，老子同細路係有些緣。話說表姐個女都有份去，本來訓著左。後黎起身之後，長輩們就梗係話同太婆影相啦。之後同三姨婆, 即本人媽媽一齊影。途中佢係咁望過黎......佢婆婆問：係咪想同表舅父影呀?? 佢點頭示意。哈，咁就坐左上我大脾。

跟住走佬咯。坐多次 82x。由柴灣到北角，大約用左二十多分鐘。之所以咁多打工仔返工時會搭佢...咪就係咁解囉。。。。

小小日記 1

剛過去的星期日，本來係同呀媽一齊去飲茶......原先度好哂行程。點知坐升降機落到地下時，度門開左少少跟住就卡住左。起初試圖重新打開佢，但係開唔到。

唯有按緊急掣......起初無人理。咪長按囉。卒之對家有人應喇......唔使長按喇，我地已經搵左師傅黎。。。。。。。原來搵左，不過被困者唔知嗟。。

做左百幾年人，都係第二次困升降機。

第一次係響仲係個塞豆窿既時辰，同呀姐去小學學小提琴，想當年就巴閉咯。拍門拍足幾個字先有人路經聽到......當日幾乎咁就去左......

講番呢度，困 車立 既過程大約一小時。由通知技工前來到正式到達，大約二十五分鐘左右。如果呢個係我情人，我就實會唱情人lift。能和情人共困lift, 纏纏綿綿是窄lift......

最後，師傅到達都開唔到，要上去機房將部野整上一樓放我地出去。。。。。。由於上樓過程係人手安排，所以定位唔易。結果定左幾次位至成功開到門......

4月25日

夜晚收到一個電話，雖然只係輕輕幾句，但就一直都甜在心中。

無講過 = 無心肝 2011年4月20日

呢幾日唔開心，因為佢生日，但我完全唔知，即使搜尋過去通話記錄，都未見過有提及邊日生日，又點可以話人無心肝呢......為此唔開心左兩日，後來同人傾，佢話：「算啦，您係要 tum 返佢架喇，大男人係值得您咁做既。」「您得閒諗下佢既優點，您就唔覺佢唔好架喇」「您愛佢就得啦，唔好計較咁多啦」......

咁都得。

明明無提過，又點能夠話無心肝呢......

不過算啦，就當我無心肝啦。橫掂自己成日都無記性，就當 msn 壞，無左個記錄吧。

呂方演唱會

英華打來問：CY，我地手頭上有一批呂方演唱會既門票，您要唔要呀??? CY二話不說就請佢留左兩張先。唔理好醜，有得睇至係最實際。拎飛當日，朝早同呀婆覆診，跟住即時過深水步拎飛，再返公司......

趕過紅磡。食最簡單既牡丹樓。

入左場,,,,,,兩個挨住膊頭坐，雖然無拖手仔，但心內感到一股暖流，就好似互相傳播咁。。

白色情人節

睇到佢 msn 留左呢五個字。擺明比我睇架啦，等我去約佢嘛.......

咁, 佢又照舊話事---------就係自己坐定定等我諗食乜......唉。我呢個人諗食乜就最差既。早午晚四餐都大樂樂都可以既。。但係，咁特別既日子，食乜好呢?????? 諗完一大輪，不如打邊爐啦......可惜有人發少爺脾氣，唔打唔打......

到臨場，又改地方，去返大樂樂食和風紙上燒。好難招呼嗟，變得快過個女人。。。<<<真係有嬲架，最怕 一哭二鬧三上吊 呢味野。。。。。。

返回正題，個過程......「甜」，講完。雖然唔係什麼高級餐廳，但係心裡感到絲絲甜意，能夠同自己所重視既人渡過，食乜都無所謂。

嘻嘻......

二月

呢個月, 發生左好多事。包括小弟搵到初戀。。傾過兩個月偈，後來突然觸電......

出去見面之前，有人做定預防措施，講到自己幾咁嚇人。又話會無哂胃口，唔靚仔......見到面，唔係呀，符合預期呀。至少唔係九襾金咁既樣先啦。

之後間中有一齊出下街。

二月，係農曆新年月，逗左好些利是，不過全部都無用過。全部儲起，做應急錢。雖然唔多，一千都無，但係如果有人有需要，將會快過西方日報個基金。曾經有人問我拍拖未?? 結婚未?? 我既答覆係......charlie yummi。

交流團回家篇

去完南京，一早起身食完早餐，就再踏上旅遊車與高鐵之旅。返回上海，食左個飯，就雞咁腳上車去機場，沿著公路，可以見到全球第一條運營磁浮列車系統。間中見到有班高速飛馳既列車。。。可惜未有機會坐到。

離別依依，掛住導遊，同佢影左張相。

跟住上飛機，好開心係坐響窗口位，可以望落去睇住三千米以下的雲團及耀眼太陽。又謀殺左好多記憶體。返落深圳，地面天氣係有雨。落左地，取回行李，正式坐自己架旅遊巴，返回集合地點：九龍塘站。。正式解散，同各人講再見，不過今敞既交通就方便得多，至少東鐵線已經開檔，同 Annie 一齊搭落紅磡站就各自歸家。

小弟去坐 102 回家，重回呢個闊別左幾日既家，還好一切依舊。

2010年10月15日，星期五

繼續趕鴨仔的一天。六點半叫床，繼續炒麵早餐。跟住去左個上海建設什麼館。睇完又係唔太知睇左乜......因為都係「趕鴨仔」，跟住又上車去間劇院聽講座，講「世博與上海復興之路」之類既野。結果大部分人係去左訓覺，小弟都頂唔住，中下中下。。。

之後去食午餐。「雞咁腳」咁食。然後就過去「上海站」轉高鐵。去到車站，只係見到一大堆人......等過安檢。因為好多人等入去，結果後來佢地開多條通道比百幾條友一齊過。上到候車室，仲搞笑，檢票間旁邊係坐位......排隊入閘點排呀?? 即係響港鐵站閘機旁整行座椅比人坐...阻住地球轉呀。

上到車，車廂設計唔錯。同地鐵線差不多，坐位排向同以前火車咁----向前排好。上車時，一貫中國特色：一擁而上，同埋唔食唔得既煙，仲要鬼咁大味！

去到南京，起初以為凍到死，但係原來有成 26 度......熱死。跟住去見領導，又聽一輪廢話，開餐睇表演，同呀媽夜校聚餐一樣，係啵，同一屋簷下嘛！

同當地青年交談，勉強都係青年既，40樓下嘛！傾過好多野，由交通到文明，皆因對家係響大學裡頭工作，呢類議題開正佢範。對於八零後新生代，佢認為，年青一代要比佢地較多空間自由發揮，同好多學者生法一致。

交流團戲肉

大清早六點半醒左。去食早餐......林過孫公既油炸鬼，開水而成既牛奶，炒麵。。

八點左右上左旅遊巴，齊齊去是日重要景點：中國世博會。起初天色唔錯，係風勢較大，入到中國館...第一個印象係：有創意。上升降機，佢幻化成和諧號列車，兩邊有「車窗」，閂門後變身成超人。

入到去，先係漆黑一片，睇左一套片，將中國由古至今介紹。我同呀成一齊，之後轉入戲肉----電視版清明上河圖，同埋秦始皇架戰車，謀殺左好多菲林。之後去左其他部分，去到一個講橋既部分，佢係坐上「自動化無人駕駛軌道車」。問過列車服務員，知道有七發車不停發車，入面既列車有紅外線感應，車與車之間有個安全距離，保證唔會撞車。

行完中國館，走左去香港館。「麻雀雖小，五臟俱全」，但係睇完好似無睇過咁，無乜香港特色野講過。呢個時候雨係咁，落雨，頭痕...對鞋入水。。

卒之影左張大合照，由於天氣不穩定，所以都係求其影左就算。之後，去其他地方行。先去坐船過去 E 區：城市最佳實踐區。見到佢地將一間舊發電廠活化成一座未來生活體驗館。可惜，有幾個人一齊行，真係有一點不方便，無得自己想去邊就去邊......

行行行，係咁行。得個行字，行到八點先有得走人。真係幾乎累死左。

上海交流團 續

起飛了，真係幾緊張......咁大個人都係第一次搭飛機......

上機前問過 Annie，個活動整左幾耐.....三個星期。有傳聞話係因為中日臨時因釣魚台問題而令原先中日交流計劃泡湯，我地至有機位去......云云。熟真熟假亦不作考究，反正都去左。錯有錯著，跟到大人物，原來都有著數，話說搵左一輪餐廳無果後，Annie 提出請大家飲飲品，之後仲去貓依良品買腸仔食。每飲一口茉莉花茶時，我都講左一聲「多謝Annie」。

去到蒲東機場，原來仲有好幾團等住入上海......坐左一輪車，去到「城隍廟老街」----䂊園。個導遊話乜野好食、物野好食。食過之後，五個字：「越搵越搵笨」。由叫一壺茶之後添飲要另外收費，去到「飲管小籠包」---得塊皮，入面係湯......仲成十五蚊一個，貴夾搵笨。

但係結果係去到五點都間唔知乜鬼名既餐館食晚飯，仲差。唯一推介既係......佢為我地每人準備左點都食唔完既白飯，但我地響䂊園時無買野而食野，結果好多菜都剩下不少。好浪費......

正式入住酒店，又因酒店管理混亂而引發小風波。話說有兩個住客「無跟大隊排隊」，有交流團成員與其理論，其後酒店職員前來處理。但結果係，「您地有責任去排隊，酒店無責任維持秩序」。講真句，你地得兩部蚊型升降機，遇著交流=戔一百幾十人一湧而入，點你都應該有適當人潮管制呀！比方說安排部分住客插尖出入酒店，都可以掛??係咪一句唔關我事就可以了事呢?? 如果有人因而在酒店發生打鬥，您係咪推佢地出門口外面就當唔係自己既事呀??