起飛的一刻，真係幾緊張......咁大個人第一次坐飛機。由進入滑行道到加速到爬升，內心有些少激動。一直向上爬升，直至穿雲層頂，大約去到 3000 米左右既高空，見到一片靚靚既雲海，不過自己無將部相機放在身，所以無影到咁靚相。開始降落架機降得幾快咁，有種離心力想將我扯起咁。不過著陸上海後，弔因為泊位問題而呆等左五分鐘至泊到位......
上機前，問過 Annie個活動籌備左幾耐......一個答案......三個星期。有傳聞話係因為中日因釣魚台事件而致計劃泡湯，我地至有位去云云。熟真熟假亦不作考究，反正都去左。錯有錯著，跟到大人物，原來都有著數，話說搵左一輪餐廳都搵唔到之後，Annie提議請大家飲飲品，之後仲去「貓依良品」食腸仔。每飲一口茉莉花茶時，我都講一聲「多謝ANNIE」哈哈。
去到蒲東機場，原來仲有好幾個團等住入上海......坐左一輪車，去到「城隍廟老街」--豫園。個導遊話乜野好食，物野好食。食過之後係五個字：越食越搵笨。由叫一壺茶添飲要斷人頭收費，去到「飲管小籠飽」----得塊包皮，入面就得湯......仲成十五銀一個......貴𤷃搵笨。
但係結果係到五點去間唔知乜鬼名既餐館食晚餐，仲差......唯一推介既係佢準備每人可以食到兩碗半既白飯，但我地組響豫園時無買野而係係咁食，結果好多菜都剩落唔少.....好浪費。
正式入住酒店，又因酒店管理混亂而引發爭執。話說有兩個住客無跟大隊排隊......
2010年11月2日星期二
第一次參與交流團「上」
10月13日 星期三 行程第一天
天氣狀況：香港至深圳：部分時間有陽光
上海：天氣轉涼，部分地區有霧。下午短暫時間有陽光，亦有幾陣雨。
02:30醒左。起初諗住訓多陣先起，但原來時間係正確既。再檢查細數，加埋刷牙，食些少野，時間搞到三點十一先出門口。四點落到樓，等左一陣，N122 架到！起初諗住０４４０都會未必過到海，趕唔到０４４４班 N281。原來時間只須 20 分鐘左右就過到海。行到紅磡站，結果要等足足十幾分鐘至上到車，原來架車去九龍塘時有六成載客率，算係一條經營唔錯既線路。
去到九龍塘，時間先係 0510，仲可以見到 0520 集合既團友......而我們的主線人物：Annie 已經到達......真係一個勤力既社工。最後等到 0600，終於上旅遊巴喇。用左約一小時既行程，去到皇崗口岸過關，真係晨咁早。最後去到深圳寶安機場，時間為早上七點鬆些少。航班預定為 0955 ，不過因延誤......最後要等成幾個字至排到隊起飛。個機場好似得一條跑道用緊......排到隊又要比架機降落左先。
到起飛既一刻，真係咁大個人第一次坐飛機，開始離地既一刻真係有激動......眼濕左些少。
待續，記得催下本人呀......
天氣狀況：香港至深圳：部分時間有陽光
上海：天氣轉涼，部分地區有霧。下午短暫時間有陽光，亦有幾陣雨。
02:30醒左。起初諗住訓多陣先起，但原來時間係正確既。再檢查細數，加埋刷牙，食些少野，時間搞到三點十一先出門口。四點落到樓，等左一陣，N122 架到！起初諗住０４４０都會未必過到海，趕唔到０４４４班 N281。原來時間只須 20 分鐘左右就過到海。行到紅磡站，結果要等足足十幾分鐘至上到車，原來架車去九龍塘時有六成載客率，算係一條經營唔錯既線路。
去到九龍塘，時間先係 0510，仲可以見到 0520 集合既團友......而我們的主線人物：Annie 已經到達......真係一個勤力既社工。最後等到 0600，終於上旅遊巴喇。用左約一小時既行程，去到皇崗口岸過關，真係晨咁早。最後去到深圳寶安機場，時間為早上七點鬆些少。航班預定為 0955 ，不過因延誤......最後要等成幾個字至排到隊起飛。個機場好似得一條跑道用緊......排到隊又要比架機降落左先。
到起飛既一刻，真係咁大個人第一次坐飛機，開始離地既一刻真係有激動......眼濕左些少。
待續，記得催下本人呀......
訂閱：
文章 (Atom)