分手

最近幫一位朋友講左一次大話，話自己係對方既前度男友，想同返朋友一齊，從而令朋友的拖友知難而退。雖然唔知實際結局係點，但係總算做左。

聽到朋友話，覺得呢個拖友太過黏身，讓朋友感到厭煩、壓逼。當我扮前度時，照稿讀那些字句，不禁有種感覺，呢個朋友其實唔敢面對佢自己，以及呢個拖友，索性拖字訣。但又唔知點解，佢會搵我幫手。。。。。。。。。

話說，朋友同拖友講過分開好多次，又話自己同前度舊愛重燃。。。拖友話，若果你真係有個幸福，我就會放手。。。

我不禁諗，放手就放手，何解又要別人真的幸福自己才放手？其實，自己根本就唔想放手，仍然當自己係對方既全部。其實自己知對方對自己的評價，而且已經講明進一步發展機會係"0"，何不及早放手，讓自己好過一點，不必面對一個不會對自己有興趣的人呢？

所謂死命執著一個人，最終苦了兩個人。最可怕的不是不肯放手，而是之後以「愛」之名，做出更多傷害自己、對方、甚至他人的事，可謂自傷傷人。最後，更把自己的一切推御到對方身上，認為是對方不給予自己機會而令自己做了一大堆錯事。天！

小病是福

今天本應要上班，但因為發燒而請了假。即使今天病假要從薪水中扣除，我都樂意咁做，因為，病住返去齋坐八粒鐘跟住走人，我過唔到自己良心一關。

返工，雖然係工一份，但係都應該認真看待，唔應該只係諗住坐定定等出糧就算。坐定定等出糧，去做政府工仲好，佢地就真係坐定定等升職，毫無鬥心喇。

唔係話我自己有野上身，而係呢個係做人基本態度。

總好過返到工作點只係用「漫步人生路」咁既心態去做、等時間放工。

識到有些朋友，視工作為苦差，因為他認為該工作沒有東西學習，只是做一些刻板的工夫。。。查實，出咁五位數字糧而又有東西學習，睇怕要佢自己做老闆，出糧比自己至得咯。。。