聖誕快到，首先祝願聖誕愉快。
聖誕到來，亦表示著一年將過。到底呢年黎大家做過什麼，或者年頭定立既目標有幾多達成到呢? 好老實講，小弟好似無定過目標，所以年尾無乜野好講做到幾多。
不過，2011年將完結，當中發生過好多事，有大事小事，有開心、有唔開心、有悲有喜，其實都值得拿來一看。
就自身而言，年頭繼續上班，服侍著一個奄尖腥悶既事頭，直到年中結束左呢段關係，恰巧碰上經濟不太景氣，暫時在家休息，期後從回舊部湊仔，咁又湊左幾月。
工作上就咁樣，感情上，曾經有過一段似是而非既䁔眛關係，不過最後都做左止蝕，與其無了期不停泵水出去，倒不如來個早日了斷，早日結束咁樣既荒唐事，順便保住荷包入面既維他命。
未來是如何，還看自己的選擇。
