COME 2

其實，那位前朋友離開了我的生活圈子之後，個人反而感覺鬆了不少。。。原來以往日子，一見到電話顯示他的來電，個人就會...又同佢嘈乜野呀？？？

雖然每次都會聽佢講，跟住比少許意見。。。但對於一句：你識嘛。。。顯得相當不認同。感情事只能由自己處理，交比人地理，自己負甚麼責任呢？美其名話你識，回想一下，其實只係想搵人就事情下定論，有乜野就賴落人度，自己唔使上身。。。

可能有些看官會認為有何不對，係Chung Cordero您蠢嗟。個人而言，你有你的道理，但咪話小弟唔提醒你，若果你連嘈交都要由人地幫你跟進、分擔，你個膊頭要黎做乜呀？？連少少承擔感都欠奉，請勿搞人，唔好令別人對感情留下陰影。

好在，同佢拍拖的人不是我，若果唔係，隨時連自己份「紀念日」禮物都唔係對方親手買的，真係唔知講乜好咯。擺明係寸佢，唔想自己買，拍乜鬼野拖呀！！！第一次拍拖都唔能夠作為擋箭牌。。。因為第幾次拍同有冇責任感其實係兩回事黎。家下好多後生一輩既呀茂呀壽，鬧就識，做就唔識。試問老一輩又點敢交個場出黎呀。。。所以話，唔好成日話班老野霸住個場唔放而令你地個個懷才不遇，未有人賞識時候，請好好裝備自己，一有機會黎，都唔使唔夠料而焗住放棄。

講番呢條友，斷左來往之後，雖然會諗下佢，但係就無左以前既感覺，唔使諗住又要點開解、又唔知有乜野嘈。。。可以安安樂樂咁去做每一件事，舒暢。

不過另一邊廂，亦係自己學習過程：學習如何向別人說「不」，尤其是對住一些不願承擔的人，更加要向佢地說不，無必要由佢地剥削自己生命的一分鐘。

最近同朋友食早餐，再度提及時候，佢話，，你仲提住佢，即係你未放得低啦。我又唔太認同......放低一個人==唔再講佢。有時候重提一個人，可以視作為反面教材的學習對象。好似呢個前朋友咁，佢既故事提醒人，做事要顧後果、學習承擔自己所作的一切決定。唔好人有你有，唔好連自己到底想要乜都未搞清就話呢個係老婆<<<仲要已經同左人地一齊。

或者，你會話我妒忌人地有拖拍過。。。我可以講，即使一年之後，我都唔怕比條友指罵，因為CHUNG CORDERO 對得住自己，唔會連眼前既係細佬定老婆都未分清就話要同人一齊。。。製造感情災難。。。