責任感

其實，唔止一次講呢個話題，但係小弟遇上無擔帶、無責任心既人實在係小至小學一年級，大至為人父母都係一樣咁。。。

就好似今天咁，小弟去左個課餘托管班。。。有個學生，佢一向都係眾所周知，唔用腦，但求有人幫佢做埋功課唔使自己諗既人，即使要自己諗，就永遠都由上下五吋個位開始撞起，「呢個、呢個」街市師奶買餸既形式，唔係呢個答案，就係嗰個答案咁撞落去，撞到全中為止。早幾日，ABCD 排序，真係比巨撞左 3 次撞中四個排序。但係內容係講乜，係我地導師知，佢自己一概唔知。。。

講真句，屋企點教/ 做，個塞豆窿就會被潛移默化跟住做。好似小弟細細個既時候，呀爸一向有隨手拋垃圾落街既習慣<<<例如一張廁紙咁既細小輕量級東東。有一次佢用張紙包左一粒電池，比小弟見到，於是有樣學樣，隨手掉左落樓......呀爸知道左，真係唔知好嬲定好笑，因為個細路都係跟大人咁做野。。。呢D 咪就係身教囉。

講回正題，個塞豆窿，埋枱就黎問，「點做？」唔係一條半條，而係成面<<<中文科，由課文配詞完成通順句子。。。個塞豆窿因為懶諗，好乖咁拎埋本課文出黎，諗住我會教佢做。可惜，佢一出黎，面對既，唔係答案，而係比我鬧佢一餐。

講真，呢個人真係鬧佢都嫌浪費時間，因為佢根本就唔諗住自己做，拎本課文出黎純粹扮野。但因為今日人手不足，又好耐無鬧過人，於是乎鬧左佢一輪。差未見佢家長向其投訴。

不過回想一下，「上樑不正下樑歪」呢句話真係好正確。雖然唔太清楚佢家長既處事態度，但應該都會差不多架喇。有野就推落人地度，自己無責任。返到屋企唔覆下自己個蘇蝦既功課就由佢第二朝交上老師。其麼家長來的！好多家長最到家既係，個仔點點點、乜乜乜。但係到蘇蝦講番同樣既話，家長就會禁止佢地咁做，認為係唔對的。。。

回想一下，子女係父母的鏡子，父母做緊乜，行為表現如何，大抵會反映了大部分在子女身上。但當代父母多數都有精神分裂，唔記得左自己係影響子女表現最大份嗰個，通常將責任推卸比人地，認為自己要返工<或者做其他事情>而唔得閒睇佢功課，所以放落呢度。。。喂，呀叔呀嬸，你返工，人地咪又係返工！你做淨係你至辛苦，導師唔辛苦？日日對住班怪獸，係咪先？

甘國亮響《亞視百人》經常提到，當下要教既，唔係個塞豆窿，而係班直昇機家長、怪獸家長。因為佢地連點做人......可能都未識就走左去結婚生細路......結果，班塞豆窿見到父母既標準，原來有九萬層，延續落去，咪就係咁囉......「我做就得，你做就唔得」。

當代既僱主們，當你地成日話當代既大學生甚麼甚麼既時候，有冇諗過自己想當年都有咁做過嗎？唔好發左達就好似老人痴呆咁，舊時既野乜都唔記得哂。其實，或多或少你地讀書既時候都有發生過，只係你地上左神枱受人供奉，食慣香而忘記左咋。。。

無可否認，有些畢業生係有問題，此部分下回再談。