愛情與關係

最近上一個討論區看看，去其徵友欄八卦下，發現原來市面上有很多不同形式的感情關係。有人話想搵個聽話既，有人想搵個人做自己的性奴，有人想搵平平淡淡，有人埋怨識人難......各種各樣乜都有。

到底，佢地想要甚麼的愛情？我都唔知道。只係知，埋怨識唔到人，倒不如問下自己，有甚麼料子可讓人一睇就會愛上好過。

想搵個要聽話，不如問下自己，當愛侶共你在一起時，你係咪對對方千依百順？您想搵個人聽聽話話，不如養隻寵物算啦。寵物就真係可以逗你歡喜，亦會對你不離不棄......

現實既係，我地係人。每個人都會有自己既一套想法，即使您自信心爆棚、抑或係毫無自信，行路都垂著頭行，撞燈柱多過食飯都好。

不禁又講下廢話。

聽話，即係代表乜野呢？一定程度上反映呢個人無乜自信，要靠控制對方以獲得滿足感、自信心。咁，會唔會有人中個頭埋去呢？答案係：有/冇。係咪玩大包圍先？擺明係大包圍，因為佢無講到有冇個咁既人中埋去。所謂「冤豬頭都會有萌鼻菩薩」，唔係串您，都係講個事實嗟。

若果看官認為，一個願打一個願捱咪得囉，理得佢地點嗟。當然，感情雙方認為無問題，就係無問題架啦。若果同樣的事，發生在自己身上，會否有同樣反應............

有時候，會有種感覺，人類睇得電視多，開始認同甚麼剩男/女，回覆訊息字數要比對方少至唔會比人當自己係賣剩蔗。。。之類既廢話。

呢樣唔係叫愛，係叫交易，完全無愛既成分在內，只有關係。當無禮物、無著數時，關係就會即時死亡。。。原來，人與人之間既關係係可以脆弱到咁既地步，可悲！

。。。。。。