堅持與放下

早幾日，菲律賓人質事件既部分家屬又走出黎，繼續兩年前既悲痛，繼續去討回公道。

話時話，兩年過去，都仲未放得低，個怨氣真係好重。但係，家屬又有冇諗過死者點樣諗呢？話唔死者想佢地可以安安樂樂咁繼續活下去，好似汶川大地震既幸存者，雖然無左隻腳、無左隻手，但係佢地仲可以寫字、行路，生命並無因為無左隻手而要日日去追討甚麼。

你可以話，大陸比咩？話說回來，香港人其實係一無所有，一身名牌，一堆朋友，到底為自己帶來了些甚麼呢？日日不停咁同朋友what's app、line，講既內容又係乜呢？公事、八卦野？我諗八卦野居多。

有份堅持要討回公道，到底要乜公道呢？原來只係一句道歉！一句道歉係咪真係值得你兩年來茶飯不思，晚晚哭成淚人，夜夜失眠，話唔埋送個抑鬱症過你歎。。。為乜呢？點解唔可以用兩年時間放下呢？定係驚放下，無人再記得自己既家人而已？

堅持，應該堅持做些對的事，對人生有正面意義的事，能讓自己身心靈有所頓悟、有所向前走的事，而非執著過去所發生的事。讓過去過去，不該留的不要強留。令自己傷心的人和事，都不應留住，留住這些記憶，講到底其實只係怕自己空虛，別人記不起自己，你自己有責任記住自己，有責任和自己好好相處。責任，是應當由自己負起，不是別人。