國民教育=洗腦教育

最近有班人，似乎好得閒，新政府上場又似乎打不死，於是乜都要搞大佢。

最近有本叫「中國模式」既國情教育指引書冊走左出黎，好多人好熱烈咁討論，但只係膚淺地聲討，要政府撤回國民教育，理由係......點解無六四既？ 點解只係唱好共產黨既？單憑此一兩個觀點就號召一班市民上街，幾乎又搵埋雪山獅子旗出黎坐鎮咁滯。

國民教育係咪真係咁唔值得推展？本人無答案。只係認為，睇完本書無自己心水既內容就一棍打落去話「洗腦」，未免太膚淺無知了吧！

要知道，中國家陣係邊個話事。國民教育當然係教相關內容！若果因為本書仔入面無寫六四、李旺陽、毒奶粉等等負面新聞入去就話人地係洗腦，咁樣，又唔係洗腦咩？唱衰就任唱，唱好就打壓，這是甚麼道理？

各有各洗腦，為何唱衰既洗腦就可以，唱好既洗腦就要將之打壓呢？

這班人到底居心何在呀？真心為下一代還是為反對派九月立法會選舉造勢？無人知曉，純粹個人猜測。

新聞個人show 節目中，周融曾指出，若對內地國情、民情不熟悉，對未來工作前景確有影響，因為香港只會與內地更溶合。好老實講，香港只靠自己，不靠大陸，其實一早就完蛋！若果不引進東江水，香港怎能容納七百萬人？

不是說等於要擁護國及黨，但是要面對這個現實：沒有共產黨，沒有中華人民共和國。若果現在仍然由國民黨統領，中國又會否有現在的環境？幾千萬人口與十幾億人口的狀況是不一樣，台灣在它的小小地方，都有很多醜聞，例如台鐵貪污、領導人大貪特貪狼鐺入獄、以前更有許多黑金政治。遠的不說，談談呀扁。

話說，呀扁是由人民投票選出來的，結果呢？都是貪污腐敗的結局。菲律賓都有選舉，但是「人民力量」旺盛，只要民眾對領導人有不滿，就可召集一棚人去推翻他/她。試想想，一個地方一日到黑都在推倒甚麼甚麼，還有誰願意來投資呢？

國民教育，每個國家都會有推行，完全不是香港的獨家發明。若果單憑內容不夠全面而不讓其推行，那是甚麼道理？

當年 國家安全條例，就誇大其詞，形容到政府可以任意進入市民的家、隨意搜市民旳身，完全是不符現實、不合理的言詞。個人曾經翻閱過該草案，內容根本完全無問題，完全合符正常程序，只是那些每天高呼「普選」但其實最不願意見到普選到臨的人，別有用心地誇張說法，將國家安全條例妖魔化。今次國民教育，其實使用的手法都是一樣。

目的只有一個，就是想現屆政府不能運作，每天在吵鬧，讓深圳河以北的中國全面超越香港。香港的命運就白白斷送在他們的手上。

I will remember this, you will pay！