股評人？估評人？

早早前，同一個股評人去歎茶時候，諗起該股評人在其專欄中寫的一些文章，聯想起，呢班股評人的所作所為。

留意下幾時有人大合唱，留意下呀婆們既入貨價，留意下公司有甚麼異動，咁就唔難睇個市幾時升、幾時跌、幾時要玩野。

家陣個股市，靜左成年有多，投行將成交預測調低......甚麼人會取受影響呢？當然係班經紀啦，所謂「經紀要開飯」，一日得五六百億成交，邊夠幾萬個經紀分呀！據了解，家下經紀數目比非典時候多......個個都諗住入黎分一份，邊有咁多成交分！

結果，傳聞有經紀收工之後去揸的士，各有兼職。

股市呀，股市，到底幾時你至會翻身呀？莫非真係要等到街市呀嬸都對大市死心，歐美各國都齊齊謝左，至會有轉機？曾經睇過一篇文章，好似係陳承龍寫既，佢話有個老行尊認為，歐元危機要等到有一窮街坊離開歐元區，至有曙光，大市到時至會見底。

但係希臘又未走到，西班牙又向呀爺求救，意大利又債台高築，所謂緊縮，隨時會比人推倒，到時候，各國又再走埋一齊「商討」解決危機。。。你又想佢死，佢又唔想好，咁既前提，又點會有解決方案走到出黎呀。。。個個都諗住旨意中國出手打救，中國自己都唔掂，邊鬼得閒救你地呀。

著數就識得問中國拎，高科技又唔賣比佢。歐美莫非真係當中國係傻既？

綜合左咁多野，股市在可見的一兩年，應該係一潭死水，經紀們，自強吧。