香港電車

香港電車，自上世紀 1904 年投入服務開始，至今已經超過 108 年，由最初26部單層車廂，演變至無頂上層；及後因雨天無法載客而逐步由帆布車頂至全密封車廂，經多年演變至今天的樣子。去年開始，更決定逐步將木製車身更換為鋁合金車身；及將驅動摩打更新，提升車速。

無啦啦寫電車，係咪有乜野事幹？非也非也。只係見電車迷、乘客對全面更新車隊各自表述，小弟都講埋一份，哈哈。

有些人認為新不如舊，認為舊車比較有特色，較有手工。有些人認為有更新才有進步。

我屬於後者，有更新才有進步。記得當年電車公司決定要為使用多年的控制器進行更新，背後原因曾經有控制器及車頂電阻廂於開行時發生火警，引致駕駛該車的司機跳車逃生，更被對行電車撞瓜。之後電車決定更新該套據聞重達 300磅 的鼓式控制器，順道將車廂由木紋顏色變更為清爽白色。及後在2000年推出千禧電車，以鋁合金做車身結構，主要可以減輕維修成本，始終用木車身最多用到 15年左右，鋁合金最多可以用到 40年。期後為提升車速，引入斬波器，令摩打無須再由「一度」逐度跳至最高「八度」。

始終電車行駛超過 100年，翻新是時候。原先母公司都想套現離場，所以 2009年決定分兩批將手頭持有 100% 電車公司股權全部出售予法國威立雅公司。。。

新公司入主後，確立全面使用鋁合金車身，但會保留數輛有特色的舊款電車，對於認為「新不如舊」的朋友來說，應該是不幸中的大幸。

或者有人會問我，點解舊不如新呢？個人認為，以商業角度考慮，木制車身比較重，而且維修成本不輕，以現在客量計算，長遠其實有需要採用更耐用、堅固的車身。而電車只能跟住路軌行，較受路面其他交通工具影響，例如巴士排隊入站，佔用一小部分電車軌，都會令電車不能向前行。採用速度更高牽引系統、更輕盈的車身，對追回班次起著一定作用。

如果以維修角度考慮，金屬車身對維修成本、外觀相對木制車身均有好處。鋁合金車身裝拆均較容易，方便維修。車身外面不需鏍絲，令車身更為美觀，上廣告時更見平滑。

百年電車，90年代末備受競爭，服務水平低降，至今天有心人銳意改善服務水平，以可以與地車、其他巴士服務競爭。用更快的、更先進的、更高素質的牽引系統、行車控制、電路設備。作為全球唯一以全雙層車隊運作的香港電車，更新，使其進步；不變，原地踏步；復古，向後退步。做人始終係向前望，而非向後望。

香港近況

近期，無太特別留意香港發生緊乜事，記憶中十月一日國慶日煙花匯演在南丫島發生左一宗數十人死既撞船事故，令人婉惜。願在生者可以克服傷痛，走出困境。離世者家人可以超越死亡，走出傷痛，回復正常生活。

話說，樓市正步向更進一步既瘋癲，多個陳舊屋苑都創出天價呎價成交。。。甚麼幾萬蚊一呎，幾多十萬。。。

諗深一層，其實都係「經紀要開飯」累事，皆因自貪政府推出炒樓花稅後，樓市確係靜左唔少，一眾經紀們為左要令呀婆呀嬸都將佢地既棺材本、買飯錢都拎去買層樓，等佢有飯開，出盡法寶。日日話樓市有排升，唔買走寶；甚麼同區罕有，講到個個盤都有海景睇咁。

個個等開飯，皆因市場有大量經紀，跌個 M字 招牌隨時都壓死十個八個，點會唔等飯開呢？

母親節

母親節，大家都重視。每到節日，子女會通通出動，去茶樓排餐死等張枱，同媽媽飲杯茶。。。

出家人不在塵世，會否慶祝母親節呢？
其實出家人都有慶祝母親節，只是不在五月的第二個星期日進行。
在出家人而言，不會用「慶祝」二字，母親節是為紀念母親生下自己的痛苦，所以佛家會稱母親節為「母難日」，以唸親恩。
佛家認為，子女是父母的鏡子，子女對父母不孝，背後其實是父母對子女不子所積落的，並非無中生有的單純不孝，作為父母其實要負一份責任，不應單單完全指責子女不孝。

每個父親母親都想自己子女孝順，到底怎樣才可以使子女對自山孝順，而非「頂心杉」？

首先，父母要以身作則，要子女學懂放下身段，自己首先放下身段，學習認錯，在子女面前勇於道歉。傳統父權社會，父母的權威是至尊無上，不容侵犯的。所以，錯，就只會在子女身上發生，而不會在父母身上發生。卒之，父母如何犯錯，都不用表示歉意，因為父母是不會犯錯的。

因為這些歪論，當今父母常埋怨父母難做，甚麼都做不到。但是，為何有些家長能夠做得好而自己做得不好呢？有否想過，是不是自己不願意跟隨社會步伐向前走，只想別人遷就自己，不向前走而已？

當然，孩子真的完全不能控制，確實需要尋求協助。反觀自己，當孩子年紀尚小時，自己做了甚麼，令孩子今天不受控？冰封三尺非一日之寒，今天種下的因，三年、五年後的結果。

要與子女好好相處，就由當下開始，以自己希望子女變成如何來相處吧。

2012立法會選舉

2012 年立法會選舉終於塵埃落定，反對派仍然保住佢地日怕夜怕會失去既「關鍵少數」議席。所謂建制派出現甚麼大勝，有大勝咩？若果係大勝，就應該拎到 50 席啦，仲點會比反對派拎到 27 席既所謂關鍵少數。。。

觀乎今次立法會選舉，最搞笑既係......林依麗，連野都未識講就出黎參選，仲話要求將「包二奶」刑事化呢個無厘頭政綱，似乎都係 神神地 居多。

正經，，，反對派響今次既選舉中失去了一些議席，觀乎其中，可以用幾隻字熜結：爛紙袋故意搶票。爛紙袋懶醒咁，原先既呀婆排第二，諗住扮偉大，推人地入局，可以薪火相傳。但係其實自己係最驚死，又要扮好人，比人上到位。卒之臨選舉，就係咁話自己告急，甚麼「保住呀婆A，留住呀婆B」既廣告，大大版出現在報紙頭版，簡直有損市容。

甚麼力量對自己內部個個都話要打殘人，到底團結何在？無錯，每個人係有佢既自由，選擇自己想加入既政團，選擇自己想投既候選人。班反對派日講夜講要團結，手指一齊向外打低建制派，但係入面班自己友就你唔妥我、我唔妥你，大家都唔想大家好，結果有人大叫告急，搶走自己友唔少選票，卒之浪費左幾萬票，呢幾萬票再分過，實情有空間保多幾個反對派入局。家陣，呵呵，早抖啦你！

對於爛紙袋而言，過左海就係神仙，當選左，就話唔關自己事，自己無搶人地票，總之一句，乜都唔關我事，要賴就賴建制派配票成功、泛民做唔到咁精密配票工程。。。

泛民，原來都係姓「賴」既。佢地行過既地，都係特別硬既。

繼續抽水

續談國民教育。

反對國民教育，有塞豆窿、有老野，當中更多既，相信係一些只聽了傳媒一面之詞然後中個頭去反對埋一份既人。

到底係德育及國民教育科有問題呀，定係佢地個心仲未敢回歸呀？

要做君子，有一樣要素係好重要，就係要能夠包容到不同意見，即使對方意見與自己不一致，亦應該讓他有表達的空間。現在看見這班反對國教科既茂利，只係一班「有佢講，無人講」既流氓。

亞洲電視 atv焦點 節目中，指「牠們」的不是，就比班流氓，以當年紅衛兵式批鬥咁，不停發電郵去廣管局投訴，話亞視內容偏頗，不公正......一輪咀不停潑婦罵街。見到 youtube 有朋友上載了一條片，內容係有關亞視在政府總部外做直播，被「牠們」惡意干擾，甚至對住鏡頭除褲。。。

天！這就是民主嗎？「牠們」日日進行所謂「抗爭」，做埋甚麼「分類」，藉以籠絡無知市民支持，行為可恥！那個甚麼瘋，自己親口曾經公開過，自己父母係紙袋組織既成員......又係呢個紙袋！

當然，呢個紙袋照例否認是幕後黑手啦，大律師黎架喎，咁容易認數架咩！

而上 youtube 睇片段的評論，只係見到「牠們」回覆大量粗言穢語地指罵支持者，毫無君子可言。而且只係灌水式重覆著要亞視結束業務的意見，完全唔係討論，完全無理性，好似一班失心瘋發左癲咁。。。定係，又有人供應維他命M，每隻字$5 咁寫呀？？

理性，除左叫政府理性討論外，瘋瘋都要咁做至得架......

股評人？估評人？

早早前，同一個股評人去歎茶時候，諗起該股評人在其專欄中寫的一些文章，聯想起，呢班股評人的所作所為。

留意下幾時有人大合唱，留意下呀婆們既入貨價，留意下公司有甚麼異動，咁就唔難睇個市幾時升、幾時跌、幾時要玩野。

家陣個股市，靜左成年有多，投行將成交預測調低......甚麼人會取受影響呢？當然係班經紀啦，所謂「經紀要開飯」，一日得五六百億成交，邊夠幾萬個經紀分呀！據了解，家下經紀數目比非典時候多......個個都諗住入黎分一份，邊有咁多成交分！

結果，傳聞有經紀收工之後去揸的士，各有兼職。

股市呀，股市，到底幾時你至會翻身呀？莫非真係要等到街市呀嬸都對大市死心，歐美各國都齊齊謝左，至會有轉機？曾經睇過一篇文章，好似係陳承龍寫既，佢話有個老行尊認為，歐元危機要等到有一窮街坊離開歐元區，至有曙光，大市到時至會見底。

但係希臘又未走到，西班牙又向呀爺求救，意大利又債台高築，所謂緊縮，隨時會比人推倒，到時候，各國又再走埋一齊「商討」解決危機。。。你又想佢死，佢又唔想好，咁既前提，又點會有解決方案走到出黎呀。。。個個都諗住旨意中國出手打救，中國自己都唔掂，邊鬼得閒救你地呀。

著數就識得問中國拎，高科技又唔賣比佢。歐美莫非真係當中國係傻既？

綜合左咁多野，股市在可見的一兩年，應該係一潭死水，經紀們，自強吧。

再談國民教育

近期火紅火熱既話題，唔岩聽既就去 blogspot 投訴，唔使咁多回覆。

早兩日同一個人講開國民教育的問題，佢話，若果真係支持推行國民教育，佢唔敢去教學生。佢話，本「中國模式」寫得不明不白不盡不實，根本唔應該拎出黎。朋友話本書寫既內容太空泛，到底動機為乜？點解要咁寫，向傑出人物借鏡，毛主席係咪代表又無講。平衡個人與群體利益，又無講要用甚麼做天秤。

其後引伸出「中英聯合聲明」講既一國兩制，原來仲有人信一國兩制、五十年不變。。。香港人，醒來吧！去到2047年，若果世界仍然存在的話，香港，只會是中國一個普通過普通的城市，唔好諗住會有甚麼普選。。。

一國兩制，其實只係做比台灣人睇，好讓台灣人安心回歸。但係台灣整左個陳水扁，搞到入面笠笠亂，比中國更亂。一個由人民選出來的領導人，口水多多咁話自己係被逼害、將責任全部推落自己賢內助身上，都唔覺問題，仲要賴人地唔好。所以，個人看法，共產黨用「一國兩制」收回台灣既機會其實相當微。

講番「國民教育」，有意見認為，入面無講到六四、李旺陽事件，所以唔應該比佢推行。有意見又話，入面內容對共產黨只有歌功頌德，完全無提過佢唔好既地方。亦有意見認為，國民教育根本無必要獨立成科，無甚值得講咁話。

好老實講，傳媒只係單方面咁報導，香港人反對推行國民教育科，但係，香港有好多人支持推行國民教育及德育科既聲音，又有冇被報導過呀？只許州官放火，不許百姓點燈應該要改為「只許反對發聲，不許贊成出聲」咯。

我最鐘意睇既電視台，講幾句公道話，就即刻比幾萬封電郵投訴甚麼內容偏頗、不實報導、甚麼干擾選舉。。。完全係廢話，完全係唔公道，完全係對政府溫水煮蛙，完全係對政府不公平，完全無視支持既聲音。

亞視，支持您！支持您作為香港良心，繼續為支持「國民教育」者發聲。

香港一日有一班所謂泛民，一日都唔會睇到普選，因為日日嗌普選既人，就係最唔想見到普選既人。「比左普選，我地嗌乜！」下下都話要總辭搞甚麼公投，若果下次，要辭職議員自己比錢搞補選，睇佢地仲敢唔敢辭職！

甚麼叫「秘書」，自己搵下「青笑怒罵」黎了解下啦。香港人，好需要了解一下中國國情。除非你決定絕食，讓自己自然死亡，否則，未來就係中國的天下，即使您幫美國公司打工，你都係要返內地架。。。