安樂死

回想起年多前入戲院觀看桃姐電影，至近來間中在街上看見一些坐著輪椅，動也不動，只是呼吸著，其他一切大小事情都要由傍人協助的人，不禁再想起桃姐入面，ROGER經醫生給予的意見後，為桃姐逐步減藥，讓其自然離開人世。

沒有合理原因替人進行安樂死，香港目前是違法的，那些有醫生檢驗，證明生存對其是有重大壞影響且毫無好處的，才能替其進行安樂死。對那些完全沒有自理能力，要完全由別人照顧其一切事務的，卻不能因為其狀況而替其進行安樂死。

有些人說，即使自己父母變成怎樣，我都要照顧他們。但若果以另一角度看，自己父母變成完全殘廢，一切生活起居、大小二便均要由他人來照顧，對他們是真的好嗎？坐在輪椅上，對外來事情完全沒有反應，只懂呼吸，尤如一個活死人般。

為甚麼不能替他們想一想，在他們的角度去想，到底任由他們這樣，對他們真的好嗎？

若果真的是孝順自己的父母，為甚麼要他們變成活死人時候才孝順？為甚麼不在他們行動自如時候孝順？

若果真的要善待自己的父母，為甚麼要他們變成這樣才善待呢？為甚麼不在他們行動自如時善待呢？

若果真的要好好照顧自己的父母，為甚麼要他們變成這樣才好好照顧呢？為甚麼不在他們行動自如時好好照顧呢？

社會福利

記得在2012年年尾，在一家社福機構的殘疾人士宿舍工作，雖然係三個月合約貨仔，但係都慶幸有機會走訪其運作。

工作地點係位於觀塘，天氣比地面較凍。內裡相當溫暖，因為宿舍並無對流窗。。。。。。

今次想講反而係個制度，政府班呀茂為左班舍友身體「好」，所以規定左一系列服務質素標準，簡稱SQS。。。記得每年要做 SQS 時候，一班同工就會好唔得閒。

乜都要做記錄，淨係做文件，都夠請個臨時工做幾個月，呵呵。大至坐既，細至寫既，通通都要有妥善記錄，連廁紙出左一舊，都要記低，方便班seafood決定腦袋既公務員黎巡查時候用。
十足十係政府部門社福版，就黎連拎支筆都要入紙申請批核。。。天呀！甚麼世界？咁小既事情都要做到咁複雜。。。美其名話要確保物資可以獲妥善分配、不會被貪心人士濫用，事實上只是架床疊屋。本來無一物之作。

而且佢地有一個非常錯誤既觀念，就係將入住宿舍既人視作上賓看待，令佢地當正自己係老闆咁。甚麼無舍友我地無工開。點解唔諗下，無左我地呢班職員，佢地邊有宿舍住呀？

好老實講，入黎住，其家人相當程度係想唔再理佢地至放入黎住。大部份個案都有領取綜援，可以話係攞到最盡。

飲飲食食，根據服務質素標準，因為衛生問題，所有飯送要即日食清，食不完的就要倒掉，其實說穿了只是政府不想負責任而已。而且，所有食不完的食物要即時倒掉，其實，政府與一眾們一起為地球製造更多資源浪費，倒不如讓職員一起進食算吧，好讓職員也多一點福利。

坦白講一句，除了那些無人無物，無法自己獨自生活的那一群真的需要社會照顧之外，其他因行為問題而要入住宿舍的，其實是他們的家長本身有問題，才會令自己的子女有問題。故此，我認為，實際要訓練的不是子女本身，而是其父母......如何控制自己的情緒；如何向自己負責；如何右善對待別人；如何學習群體生活；如何學習不說謊話。

最低工資，最高工時

過去數年，坊間一直都有談論著最低工資、最高工時的問題。卒之講左好幾年，實行左最低工資。今年五月一日更將最低工資調升至 $30 大洋。

成功推行最低工資後，近年就講最高工時。講起呢兩樣野，過去有好多人有談及，我都唔講佢既好壞，好壞其實應該係由用家自己去評價。反而有樣野想講下，就係到底搞最低工資既人，係咪真心幫班打工仔既呢？

記得孫柏文曾經講過，外地搞最低工資，原意係為保障一眾男人，好讓女人乖乖返屋企湊仔做家務，等男人出去搏殺。香港呢？呢個最低工資保障既，又係乜野人呢？

香港最需要最低工資既人，包括有保安行業、飲食行業。點解？因為呢兩個行業部分既打工仔，做到隻野咁先得幾千蚊人工，想病都無時間。

之但係，有部分行業既人工，確係反映緊市場價值。供過於求，當年係飲食業寫照。大把人等住入行，僱主點會有誘因出高薪請人！今時今日？有左最低工資，呀豬呀狗都走左去做保安。。。點解？個個貪保安唔使咁辛苦，至少有開工、有收工，唔使好似飲食業咁，隨時唔知幾點收工。況且，保安行業又唔使全日屈住身洗碗、唔使企足全程，所以，以前大把人等住去做洗碗，家下變成出到 40蚊一粒鐘都無人理。你去睇下樂樂、活活，由朝到晚到話要高薪請人，但都唔太多人蘇，就大概明白，最低工資既威力有幾咁大。

到底，係咪要一刀切，全人類都有最低工資既保障呢？？？民粹主義既朋友就會有衝動想查我家宅，衝入黎我屋捉住我條頸。。。好老實講，一刀切，意義不大。開始實施最低工資，僱主們就用削減工時降低成本。樂樂計過條數，每晚九點後只留一名收銀員管維他命M，好等其中一個收銀員工時可以減少。坦白講句，自金融海嘯後，企業業績曾經低落，於是乎延長營業時間，希望可以「賺得一蚊得一蚊」。

到後來實施最低工資，企業要再面對新增成本。加上其他各方成本齊齊上升，企業、公司面對的壓力更大。企業即使不是上市公司，亦要為其發展、盈利目標、員工上下大細、公司高中低層負責，交功課，斷不能像那班口口聲聲要幫打工仔爭取乜、爭取物既議員，只空喊口號。作為企業經營者，就有責任為公司長遠發展定目標，好讓企業可以持續經營下去，才是對員工、股東們負責。

社會責任，當企業幹出一定續後，當然要回饋社會。所謂「取諸社會，用於社會」，但若以民粹主義，強行要求企業不可賺取盈利，這又是甚麼道理？且看看十年前曾興起的「社會企業經營模式」的社企，到今天還有多少間生存下去？只蝕不賺，誰能負擔得來！除了亞洲電視，經營者蝕完五六年後進行止蝕，將蝕本之門交由另一人繼續......

最低工資、最高工時，對某些工資水平與工作時間嚴重不對稱的行業而言絕非壞事，但若果強行將此等措施在全部行業推行，則產生漣漪效應，結果令全民受罪，全行業均欠缺人才......何苦呢！