改變

早前，小弟在一個交友程式同一個唔識既人傾左幾句。話說佢希望可以識到個似九把刀既伴侶。好老實講，要有文學底而搞笑既人，可以話易搵、可以話難搵，在乎您能否遇上。

傾傾下，小弟問若果比佢遇上一個符合上述要求，但有些佢個人接受不了，但對方不認為有問題的習慣，佢會點處理？回覆......一係叫佢改，一係唔要佢。口吻相當肯定。但問及自己會為對方做甚麼改變，，，得到的回覆則是「會卦」。。

何以會有這樣的分別？原來我們都是比較喜歡改變別人多於自己改變。

人，總認為改變別人比改變自己容易。這只是對自己不負責任的說法，亦是推卸責任的人的無知想法。

有作家認為女人最喜愛改變男人。以我認知，男人都喜歡改變女人。男人女人一樣喜歡改造對方。改造，應該是對方出於讓自己成長、完善自己的意識下進行，若果只是單方面硬要對方改變，其實不會有甚麼效果出到來的，因為，你要求他改變，但他未必認為那是一個問題。改，極其量只是敷衍了事，你不見的情況下，繼續做的機會相當高，因為你在身邊時不做，只是應付形式，就像被逼變性。

慘矣！

到底，你想要一個與自己無甚分的別人一起過，還是與一個有些不完美的人一起？那是你的個人選擇，不是某人可以指點到。始終，我們是自己最終的因果關係。

何以，有些人會樂此不疲地去改變他人，讓他人配合自己？這些人，操控意慾相對強，希望透過控制一個人，來表達自己是能幹。能幹，其實不需要透過逼人變性而表現到的，你不是醫生，你有能力改變自己，改變他人，你還有一段很遠的距離。

還有一種原因，大概是他們精力太多，無處發洩，所以透過改變一個人而消耗之。

被改造者，心情其實會怎樣的呢？

簡單想像一下自己是被改造者，改變根本不符合自己原則......完全明白了。。。。。。不好受，很難受，不願意，很煩厭。。。

不要再想自己可以改變別人，倒不如多想想自己可以做甚麼，完善自己！

人的價值

網上有篇故事，叫做「幸福的婚外情」。

婚外情係咪真係幸福的呢？何等因由會令婚外情發生呢？今天不談這些，因為要談，十日十夜都未必講得完。

反而想由心靈的角度，嘗試討論一下。

婚姻，係一樣神聖的東西，而非隨口講下就算、唔係細路仔玩泥沙，唔靚就推倒重來再堆過。

婚外情，這些人會有好多理由，甚麼對方對自己唔好、對方唔溫柔等等理由，好讓自己的婚外情變得合情合理。

對付婚外情，最需要有的，是我們自身的定力。。。但是我們最大的敵人，卻是我們自己。

咁，點先可以避免到婚外情、點樣令自己有定力呀？

首先，要安好自己的心。有些人會說自己心難定，其實係因為佢地內心有著過多慾念，對物質、對別人......這些慾念是超越他們本身所需，只是他們貪心，想擁有比別人多而已。

有些人會話，自己個心好難定得到，咁點做好？某程度上，其實係　閣下的物慾太強。咁點樣至可以令自己對物資追求無咁強烈？哈哈，呢樣野要由您自己做起喇啵。。。小弟在此真係比唔到合案。請恕小弟不才。。。

即管試下，將自己變成好細好細，然後由自己既咀巴，進入自己的身體參觀一下，睇睇自己平到底點樣對待自己身體？睇完之後，或者您會對自己如何降低物質追求的慾望，有些啟發。

愛自愛

他愛我，我加倍愛他。 
他體貼我，我無限感恩。 
他包容我，我沒有驕傲。 
他忘記我，我體諒他。 
他忽略我，我更獨立。 
他冷漠，我依然熱情。 
他隱瞞，我沒有保留。 
他自私，我給他機會成長。 
他粗心，我更照顧好自己。 
他脆弱，我更強壯。 
他傷我心，我堅強自己。 
他沒兌現說話，我給他鼓勵。 
他需要扶持，我隨時準備好付出。 
他累了，我照顧他安心睡。 
他難過，我微笑吻他的愁。 
他迷失，我點燈守候左右。 
他失敗，我不脽不棄不灰心。 
他快樂，我比擁有一切都滿足。 
他生病，我寧願代他受苦。 
他浪子回歸，我暖窩緊緊抱。 
他狠了，我對自己更溫柔。 
他變質，我祝願他更好。 
他背叛我，我為他禱告。 
他否定我，我更肯定自己。 
他讓我失望，我說我愛你。 
他對我不起，我說謝謝你。 
他離開，我隨時在。 
他消失，我活好自己。 

摘自《好好愛自己》~~素黑

天水圍的日與夜

早排許鞍華o既姚姐憑葉德嫻拎左個康城最佳女主角既獎，香港舉港歡騰咁既樣，又話香港電影業仲有得救云云。

今舖唔係同大家講什麼香港電影業前景，亦唔係講下青姐既前景。反而想講下天水圍的日與夜既情節。記得鮑姐鮑起靜講過，呢個呀媽既心情係，佢從來都唔覺自己欠缺左乜野。話說佢老公早死，留左個仔張家安比佢，而兩丁友就住響天水圍公屋入面。

天水圍的日與夜，係當全城港人都講緊天水圍點慘法既時候，一班有心人去用另一角度，帶觀眾入去天水圍睇下佢地生活，係咪真係咁慘。以我個人不定期走進天水圍的觀察，天水圍其實無某些人講到咁悲情城市既。至少天水圍都唔係個個拎綜援，有好多天水圍人其實好勤力工作，為著就係唔使政府幫，希望可以自力更生。而故事中既主角亦都係咁，佢從來都唔覺別人、社會欠左佢乜野。

記得鮑起靜曾經講過，呢位媽媽(貴姐)從來都無覺得佢欠缺左乜野，每日都係返工放工，煮飯、做家務，日日如是。其他人睇落，佢好悶，無自己既生活，只係為家庭而活。而佢個人既性格亦如此，當年供兩個細佬讀書，兩個細佬都發大達，而貴姐就繼續簡簡單單咁過著兩母子既生活。貴姐既兒子—張家安。典型乖仔，成續唔係標青，而且屋企唔多錢而好少參加課外活動。

貴姐唔單止佢自己快樂，而且仲令到一個新搬入既鄰居，由隱敝變為開朗。貴姐自己響附近一間超市工作，每日就係去開榴槤。梁歡(陳麗雲)最初搬入天水圍都好唔習慣，後來佢又入左呢間超市做賣菜。剛巧遇上貴姐呢個貴人，歡姐想幫自己買把風扇，貴姐即刻打比家安，啦佢落樓幫歡姐拎返屋企。試過買完餸，同歡姐一齊合單抽獎，送左份獎品予歡姐。歡姐最後比貴姐感動到，可見平凡人都可以做到好多不平凡事，唔一定要名人至會做善事，唔一定要掛個牌至識做好事。就好似拎牌既估評人唔一定比唔拎牌既人好，唔一定會識講真心話，唔一定識拆冧把降。

有時諗，其實現代人類會唔會太多搞作，令到自己連休息時間都無，個個都只係顧住自己，好多時會忽略左其他人。結果往往要等失去左至發現自己做咁多野原來都只係得個殼，內在其實十分空虛，完全唔知自己活著為何？

好似失去左青春，至發現原來自己只係掛住做，而唔記得左青春係乜東東，結果皮膚又老又黃既時候至去補乜補物……

好多時候，人類只係識諗自己，認為自己搵到好多錢返屋企就係對呢個家盡左責任，驀然回首，到底自己對呢頭家既了解又有幾深呢？